Pradstaŭnik Jeŭrasajuza nazvaŭ sankcyi Biełarusi nieprazrystymi
ES vyvučaje sankcyi ŭ adkaz Biełarusi i ličyć ich nieprazrystymi ź niezrazumiełym miechanizmam asprečvańnia, paviedamiŭ RIA «Novosti» aficyjny pradstaŭnik źniešniepalityčnaj słužby sajuza Piter Stana.
«My bačyli zajavu MZS Biełarusi ab mierach u adkaz na apošni pakiet sankcyj ES. Pryniaćcie pastanovy ab handlovych abmiežavańniach ustanaŭlivaje vielmi składany i nieprazrysty miechanizm handlovych abmiežavańniaŭ. My vyvučajem jaho źmiest i razumiejem, što niekatoryja abmiežavańni jašče treba vyznačyć», — paviedamiŭ jon.
Pavodle słoŭ surazmoŭcy, u ES «adznačajuć nieprazrystaść hetych mier, niama nijakich padrabiaznaściej adnosna ich maštabaŭ, realizacyi i dastupnych sposabaŭ jurydyčnaha asprečvańnia ŭ sudzie».
«My padkreślivajem, što abmiežavalnyja miery ES prazrystyja, prymajucca na asnovie kansiensusu dziaržavami-členami ES i zasnavanyja na dokazach niepravamiernych dziejańniaŭ, takich, jak parušeńnie pravoŭ čałavieka i vykarystańnie mihrantaŭ. Ich taksama možna abskardzić u Sudzie ES», — skazaŭ Stana.
U minuły čaćvier ab novych sankcyjach suprać Biełarusi abjavili ZŠA, Vialikabrytanija, Kanada i ES. Heta piaty sankcyjny pakiet ź letašnich prezidenckich vybaraŭ u Biełarusi, paśla jakich u krainie adbylisia pratesty.
U piaty sankcyjny śpis ES pa Biełarusi ŭvajšli 17 fizičnych asob i 11 arhanizacyj. Ciapier ahulnaja kolkaść fihurantaŭ sankcyj Jeŭrasajuza ŭzrasła da 183 fizičnych asob i 26 arhanizacyj.
Sankcyi praduhledžvajuć zabaronu na ŭjezd u ES dla fizičnych asob, a taksama zamarožvańnie rachunkaŭ fizasob i arhanizacyj. Akramia taho, jeŭrapiejskim asobam i kampanijam zabaraniajecca pieradavać srodki fihurantam hetych śpisaŭ.
Biełaruś u adkaz na sankcyi Zachadu abjaviła, što z 1 studzienia na paŭhoda ŭviadzie charčovaje embarha na šerah tavaraŭ ź ES, ZŠA, Kanady, Vialikabrytanii i šerahu inšych.
U pieralik zabaronienaj da ŭvozu pradukcyi trapili bolš za 20 tavarnych hrup, u tym liku žyvyja śvińni, miasa bujnoj rahataj žyvioły, śvinina, kaŭbasy, subpradukty, sol, kandytarskija vyraby, małako, arechi, sadavina i niekatoryja inšyja tavary. Zabarona nie raspaŭsiudžvajecca na tavary dla asabistaha spažyvańnia, dziciačaje charčavańnie, krytyčny impart i niekatoryja inšyja vypadki ŭvozu.
Urad pryniaŭ pastanovu ab sankcyjach: u «čorny śpis» patrapiła miasa, małako, kandytarka i sadavina ź ES, ZŠA i Kanady. Što heta značyć?
Z kramaŭ źniknuć batončyki Mars i Sniskers? Tłumačym, što budzie z šakaładkami z-za sankcyj
Ramančuk pra kontrsankcyi i toje, chto na ich zarobić: «Kantrabanda budzie kryšavacca ludźmi ŭ pahonach»
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary