«Svaboda» źviartajecca da viadomych u biełaruskaj publičnaj prastory asobaŭ z prośbaj adkazać na pytańnie: Što vas paradavała/prymusiła ŭśmichnucca ŭ 2021-m? Takim čynam my pasprabavali adšukać krupinki radasnaha, dobraha i śvietłaha ŭ hetym zmročnym hodzie biełaruskaj historyi.
Adkazaŭ na pytańnie i Mikoałaj Statkievič, asudžany dniami na 14 hadoŭ kałonii asablivaha režymu. Za kratami Statkievič znachodzicca ŭžo paŭtara hoda, z 31 maja 2020 hoda.
«Hod byŭ strašny va ŭsich adnosinach — źviestki ab śmierciach siabroŭ, aryštach, emihracyi. Ale i ŭ samyja strašnyja časy treba bačyć nahody dla radaści, bo pačućcio radaści — heta kaštoŭny resurs, jaki nadaje sił i enierhii. Na svabodzie takija nahody znajści lahčej — adna pryroda moža prynieści bieźlič radasnych imhnieńniaŭ. Tut ža tolki pasprabuj napisać kamu-niebudź pra svaje radaści ŭ hetaj bietonnaj skryncy, jak ich pasprabujuć u ciabie zabrać. Tamu ščyrym da kanca nie budu i pra ŭsio nie skažu:-).
Tolki pra toje, što vielmi paradavała salidarnaść biełarusaŭ, jakaja adčuvajecca i tut».
«Mikałaj absalutna taki ž, jaki byŭ. Spakojny, uraŭnavažany», — Maryna Adamovič raskazała pra spatkańnie z mužam
Čytajcie taksama:
Śviatłana Aleksijevič raskazała, što pabačyła dobraha ŭ 2021-m
Žurnalist Andrej Alaksandraŭ ź SIZA: Ja nie rasčaravaŭsia ŭ nivodnym čałavieku
Stanisłaŭ Šuškievič: U mianie jość aptymizm
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary