Łukašenka pryznačyŭ novaha kiraŭnika Homielskaj vobłaści i ministra handlu
Łukašenka pryznačyŭ novych kiraŭnika Homielskaj vobłaści, ministra handlu i staršyniu dziaržkamiteta pa navucy i technałohijach.
Kiraŭnikom Homielskaj vobłaści staŭ Ivan Krupko, były ministr sielskaj haspadarki.
Alaksiej Bahdanaŭ staŭ ministram antymanapolnaha rehulavańnia i handlu. Uładzimir Kałtovič źniaty z pasady.
Siarhiej Šłyčkoŭ pryznačany staršynioj dziaržaŭnaha kamiteta pa navucy i technałohijach.
Alaksiej Bahdanaŭ nastupnym čynam prakamientavaŭ naznačeńnie. Raniej jon byŭ namieśnikam ministra sielskaj haspadarki i charčavańnia.
«Kančatkovy spažyviec tavaraŭ — heta prosty čałaviek. Łukašenka skazaŭ pry pryznačeńni važnuju reč: važna zabiaśpiečyć intaresy prostaha čałavieka. Kab u hety niaprosty čas ekanamičnaj i palityčnaj turbulentnaści ŭ śviecie zabiaśpiečyć dla prostaha biełarusa šyroki asartymient ajčynnaj jakasnaj pradukcyi pa adekvatnaj canie», — skazaŭ jon.
***
Nahadajem, što 13 śniežnia Viciebskuju vobłaść uznačaliŭ Alaksandr Subocin, a Mahiloŭskuju — Anatol Isačanka. Ministr adukacyi Ihar Karpienka staŭ kiraŭnikom Centrvybarkama.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary