Rasija ekstradziruje jašče adnaho ŭdzielnika pratestaŭ u Biełarusi
Rasija vysyłaje pa zapycie Minska hramadzianina Biełarusi Dźmitryja Padłobnikava. Jaho abvinavačvajuć u supraciŭleńni siłavikam i sprobie nanieści ŭdary supracoŭniku milicyi padčas akcyi pratestu ŭ dzień prezidenckich vybaraŭ u Žłobinie.
U aŭtorak jon patelefanavaŭ maci i raspavioŭ, što jamu zahadali źbirać rečy. Uviečary advakat Padłobnikava paviedamiła Bi-bi-si, što jaho pavieźli ź SIZA. Na radzimie jamu pahražaje da siami hadoŭ pazbaŭleńnia voli.
25-hadovaha Padłobnikava abvinavačvajuć pavodle dvuch artykułaŭ Kryminalnaha kodeksa: art.342 (arhanizacyja i padrychtoŭka dziejańniaŭ, jakija hruba parušajuć hramadski paradak) i art. 364 (hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Maksimalnaje pakarańnie pa ich — siem hadoŭ pazbaŭleńnia voli.
Padłobnikaŭ braŭ udzieł u akcyi pratestu ŭ Žłobinie 9 žniŭnia 2020 hoda. Jon pajšoŭ sustrakacca ź siabram i trapiŭ na płošču, dzie prachodziŭ mitynh suprać falsifikacyi vynikaŭ vybaraŭ, raspaviała Bi-bi-si maci abvinavačanaha Halina Padłobnikava. Pavodle jaje słoŭ, na mitynhu jaje syna źbili, jon byŭ «u nieśviadomym stanie».
Pra spravu Padłobnikava publična stała viadoma tolki ŭ siaredzinie śniežnia — amal praz paŭhoda paśla jaho aryštu.
Pavodle Bi-bi-si, sa žniŭnia 2020 hoda ŭ Rasii aryštavali jak minimum 20 biełarusaŭ pa spravach, źviazanych z pratestami suprać Łukašenki. Niekatoryja ź ich užo vysłanyja na radzimu, inšych čakaje ekstradycyja abo vydvareńnie.
Pa viersii śledstva, Padłobnikaŭ akazvaŭ supraciŭleńnie pry zatrymańni, rukami i nahami nanosiŭ udary pa ščytach supracoŭnikaŭ milicyi, a taksama sprabavaŭ nanieści ŭdary adnamu ź ich, pryčyniŭšy jamu takim čynam «maralnuju škodu».
Abvinavačvańnie tyčycca nie piersanalna Padłobnikava, a hrupy asob, adznačyła ŭ razmovie ź Bi-bi-si jaho advakat Maryja Krasava.
Śledstva pryvodzić u jakaści dokazu viny rasšyfroŭku telefonnaj razmovy jaho maci sa znajomym Padłobnikava, jaki byŭ ź im u toj dzień. Mužčyna na zapisie raspaviadaje, što jaje syn «pajšoŭ da milicyjanieraŭ» i «pačaŭ ź imi bicca».
Pry hetym samoha Padłobnikava «hłušanuli dobra». «Tak ŭdaryli, što jon straciŭ prytomnaść. Jamu pa hałavie dubinkaj udaryli», — kazaŭ mužčyna, jaho słovy pryvodziacca ŭ rasšyfroŭcy razmovy ŭ materyjałach spravy Padłobnikava.
U Žłobinie Padłobnikava paśla zatrymańnia dastavili ŭ adździaleńnie milicyi, dzie jon pravioŭ troje sutak, paśla čaho jaho adpuścili. «Jamu ničoha na ruki nie addali, padpisku ab niavyjeździe jon nie davaŭ», — raspaviała maci Padłobnikava.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary