«Kałasalnaja adkaznaść lahła na plečy kiraŭnictva». Łukašenka nakiravaŭ telehramu Takajevu
Łukašenka nakiravaŭ telehramu prezidentu Kazachstana Kasym-Žamartu Takajevu. Telehram-kanał «Puł pieršaha» pryvodzić jaje tekst.
«Biełaruski narod z tryvohaj uspryniaŭ dramatyčnyja padziei, jakija adbylisia ŭ brackim Kazachstanie. Arhanizavanaja na vašu krainu ataka bandfarmavańniaŭ, jakaja paciahnuła šmatlikija čałaviečyja achviary i razbureńni, čarhovy raz pakazała ŭsim nam strašnuju pahrozu, jakuju niasie śvietu mižnarodny teraryzm.
Vidavočnaja padryŭnaja meta ekstremistaŭ — destabilizavać šmatnacyjanalny Kazachstan, pasiejać chaos, raźviazać u krainie bratazabojčuju vajnu dla ździajśnieńnia antykanstytucyjnaha pieravarotu i źmieny palityčnaha kursu.
Biełaruś užo sutykałasia z padobnym vyklikam, tamu razumieje ŭsiu vastryniu situacyi, jakaja stvaryłasia, i kałasalnuju adkaznaść za los krainy, jakaja lahła na plečy jaje kiraŭnictva.
Najciažejšyja vyprabavańni, jakija vypali brackamu narodu Kazachstana, biełarusy pieražyvajuć, jak ułasnuju trahiedyju. My vykazvajem nadzieju na bolš chutkaje ŭstalavańnie miru i spakoju na Kazachstanskaj ziamli i hatovyja ŭsialak spryjać stabilizacyi situacyi.
Prašu pieradać, Pavažany Kasym-Žamart Kiemielevič, słovy hłybokaj spahady i padtrymki rodnym i blizkim zahinułych, a taksama pažadańni chutčejšaha vyzdaraŭleńnia paciarpiełym»
Čamu padziei ŭ Kazachstanie nielha paraŭnoŭvać ź biełaruskimi, ale što ź ich łohiki treba zapomnić
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary