Analena Bierbak: Siarod mieraŭ reahavańnia na rasijskuju ahresiju razhladajucca sankcyi ŭ dačynieńni da «Paŭnočnaha patoka — 2»
Ministarka zamiežnych spraŭ Hiermanii Analena Bierbak nie vyklučaje ŭ vypadku vajennaj ahresii RF suprać Ukrainy ŭviadzieńnia sankcyj suprać «Paŭnočnaha patoku — 2». Pra heta jana skazała, vystupajučy siońnia ŭ Bundestahu, paviedamlaje DW.
Bierbak znoŭ pryhraziła Rasii surovym adkazam na dalejšuju eskałacyju kanfliktu z Ukrainaj. Pa jaje słovach, u Zachadu majecca šyroki śpiektr mahčymych zachadaŭ u adkaz.
«Siarod mieraŭ reahavańnia na mahčymaje ŭvarvańnie Rasii ŭ Ukrainu razhladajucca sankcyi ŭ dačynieńni da dabudavanaha, ale nie ŭviedzienaha ŭ ekspłuatacyju hazapravoda «Paŭnočny patok - 2»,
— adznačyła ministarka.
Adnačasova Bierbak vykazała hatoŭnaść praciahvać dyjałoh z Kramlom i padkreśliła: «chto razmaŭlaje, toj nie stralaje». Razam z tym jana nahadała ab žorstkaj pazicyi Zachadu, jaki ličyć niedapuščalnaj novuju vajennuju ahresiju suprać Ukrainy.
«Asnoŭnyja padstavy jeŭrapiejskaha śvietaparadku nie mohuć słužyć pradmietam pieramovaŭ», — skazała Bierbak.
Jana taksama rašuča raskrytykavała dziejańni Rasii ŭ dačynieńni da Ukrainy.
«Ciažka rasceńvać nie jak pahrozu, kali da ŭkrainskaj miažy biez vytłumačalnych pryčyn ściahvajucca sotni tysiač sałdat na tankach i artyleryjskich ustanoŭkach», — adznačyła niamieckaja ministarka zamiežnych spraŭ.
Čytajcie taksama:
Ministr abarony Łatvii: Palityka Hiermanii ŭ dačynieńni da Rasii nie ŭpisvajecca ŭ naš čas
Kiraŭnik MZS Niamieččyny nazvała pahrozaj sto tysiač rasijskich vajskoŭcaŭ kala Ukrainy
Kancler Hiermanii Šolc: Rasija pavinna pryznać, što siła ŭ praŭdzie
Niamiecki palityk: «Miakkaja reakcyja budzie ŭspryniataja Pucinym jak słabaść»
Napružanaść pamiž Hiermanijaj i ZŠA i «hieapalityčnaja zbroja». Za što krytykujuć trubapravod «Paŭnočny patok — 2»?
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary