Hetuju stravu prosta i lohka rabić. Možna vypiakać takoje piačeńnie razam ź dziećmi, kab navučyć ich azam kulinaryi.
Fota BBC Food.
Kab zrabić šakaładnaje piačeńnie z apielsinam, vam spatrebicca:
- 100 hramaŭ masła (kab stała miakkaje pry pakajovaj tempieratury) + trochi masła, kab zmazać formu
- 100 hramaŭ tryśniahovaha cukru (možna zamianić na luby inšy cukar)
- 1 kurynaje jajka
- cedra z 1 apielsina
- 50 hramaŭ małočnaha šakaładu (treba pakryšyć jaho na drobnyja kavałki)
- 275 hramaŭ muki
- Razahrejcie duchoŭku da 180 hradusaŭ. Padrychtujcie blachi dla vypiakańnia i zmažcie ich masłam (nie alejem, a masłam!).
- Pakładzicie 100 hramaŭ masła ŭ misku i ŭźbivajcie jaho draŭlanaj łyžkaj ci ručnym miksieram-uźbivałkaj, pakul masła nie stanie zusim miakkim. Dadajcie cukar i znoŭ uźbivajcie masła, pakul jano nie nabudzie vielmi kremavuju kansistencyju.
- Trochi ŭźbicie jajka i dadajcie jaho ŭ sumieś. Pieramiašajcie jaje, pakul sumieś nie stanie adnarodnaj. Dadajcie ŭ sumieś cedru apielsina, šakaład i muku, staranna pieramiašajcie. Rukami sfarmirujcie ź ciesta šar.
- Padzialicie ciesta na čatyry častki i raskačajcie kožnuju ź ich u formie kaŭbasy — jaje pamier składzie prykładna 10 sm udoŭžki i 4 sm ušyrki. Padzialicie kožnuju z «kaŭbas» na 6 častak, u vyniku vy atrymajecie 24 piačeńni, kožnaje ź jakich pavinna mieć kruhłuju formu. Trochi pryciśnicie piačeńni i pieramiaścicie ich na blachu dla vypiakańnia.
- Vypiakajcie piačeńni chvilin 10—12 ci pakul jany nie stanuć załatymi pa krajach. Aściarožna zdymicie piačeńnie ź blachi.
Smačna jeści!
Kamientary