Siońnia hatujem piroh z morkvy, jaki napoŭnić vaš dom vodaram karycy, muskatnaha arechu, cytrusu. Pravierany recept!
Inhredyjenty
- 175 h cukru
- 175 mł aleju
- 3 vialikija jajki, źlohku ŭźbityja
- 140 h natarkavanaj morkvy (heta kala troch siarednich morkvin)
- 100 h razynak
- cedra 1 vialikaha apielsina
- 175 h muki
- 1 čajnaja łyžka razrychlalniku
- 1 čajnaja łyžka mielenaj karycy
- ½ čajnaj łyžki muskatnaha arechu
Dla hłazury
- 175 h cukrovaj pudry
- 1½ — 2 stałovyja łyžki apielsinavaha soku
Pieršy krok
Razahrejcie duchoŭku da 180°S. Zmažcie alejem i vykładzicie dno i ścienki formy pierhamientam dla vypiečki.
Druhi krok
Vysypcie cukar, alej i jajki ŭ vialikuju misku. Źlohku źmiašajcie draŭlanaj łyžkaj. Dadajcie morkvu, razynki i cedru.
Treci krok
Prasiejcie muku, razrychlalnik, karycu i muskatny arech u misku. Usie źmiašać, sumieś budzie miakkaj i amal vadkaj.
Čaćviorty krok
Vylicie sumieś u padrychtavanuju formu i vypiakajcie na praciahu 40—45 chvilin abo da taho momantu, pakul jana nie stanie ćviordaj i pruhkaj, kali vy naciśniecie na jaje ŭ centry.
Piaty krok
Astudzić u formie 5 chvilin, potym vyniać, źniać papieru i astudzić całkam.
Šosty krok
Uźbicie cukrovuju pudru i apielsinavy sok u nievialikaj miscy da atrymańnia adnastajnaj masy, kab hłazura była takoj ža vadkaj, jak viarški. Pakładzicie tort na sierviravalnuju talerku i śmieła apyrskajcie hłazuraj pa dyjahanali źvierchu, dazvalajučy joj ściakać pa bakach.
Smačna jeści!
Recept na vychadnyja: biezdakorny vienhierski sup-hulaš, jaki niemahčyma sapsavać
Recept na vychodnyja: bananavy kieks
Recept na vychadnyja. Pasta bolognese. Makarona z kłasičnym bałonskim sousam
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary