«Chočam mirna vyrašyć kanflikt»: Niamieččyna paŭtaryła admovu pastaŭlać zbroju Ukrainie
Ministr abarony Niamieččyny Kryścina Łambrecht čarhovym razam paŭtaryła admovu pastaŭlać zbroju Ukrainie na fonie mahčymaha ŭvarvańnia Rasii. Bierlin vystupaje za mirny šlach vyrašeńnia kanfliktu, paviedamlaje RBK-Ukraina.
«U fiederalnaha ŭrada ŭžo daŭno jość vyraznaja pazicyja — navat u papiarednija zakanadaŭčyja pieryjady — my nie dastaŭlali zbroju ŭ kryzisnyja zony, kab nie dapuścić tam dalejšaj eskałacyi», - zajaviła Łambrecht.
Pavodle jaje słoŭ, na siońnia praciahvajecca dyjałoh pa mirnym urehulavańni.
«Va ŭkrainskim kanflikcie ŭ nas jość partniory pa pieramovach, jakija viarnulisia za stoł pieramovaŭ — naprykład, u Radzie Rasija — NATA i ŭ narmandskim farmacie. Voś čamu ciapier naša zadača — źnizić eskałacyju. My chočam vyrašyć hety kanflikt mirnym šlacham», - dadała ministr abarony.
Raniej paviedamlałasia, što pasolstva Ukrainy nakiravała aficyjny list uradu Niamieččyny, u jakim prosić dać abarončaje ŭzbrajeńnie. Havorka idzie pra bojeprypasy dla supraćpavietranaj i supraćrakietnaj abarony, a taksama dla kulamiotaŭ.
Taksama stała viadoma, što Izrail zabaraniŭ krainam Bałtyi dać Ukrainie ŭzbrajeńnie izrailskaj vytvorčaści.
Kamientary