«Hałoŭnaja płata — kroŭ, i płacić toj, chto najmienš vinavaty». 20 cytat biełaruskich piśmieńnikaŭ pra vajnu
«Naša Niva» sabrała cytaty biełaruskich piśmieńnikaŭ, dla jakich vajna pierš za ŭsio — heta nie pra hieraizm i ideałohiju, a pra trahiedyju i vyprabavańnie čałavieka.
Vasil Bykaŭ
«Jak zaŭždy na vajnie, hałoŭnaja płata — kroŭ, i płacić toj, chto najmienš vinavaty».
«Vajna nadziva ślapaja ŭ adnosinach da ludziej i daloka nie pa ichnich zasłuhach rasparadžajecca žyćciami».
«Za hady vajny jon zusim advyk ad naturalnaha čałaviečaha zapatrabavańnia ŭ ščaści. Usie jahonyja siły raschodavalisia na toje, kab jak-niebudź vyžyć, nie dać źniščyć siabie».
«Poracham čałavieka nie vychavaješ».
«Ab vajnie, jakoj by ciažkaj jana ni była, treba pisać praŭdu i ŭsiu praŭdu, jakoj by jana ni była horkaj».
«Usiakaja ahresiŭnaja vajna ŭžo pa svajoj pryrodzie nakiravana suprać čałavieka, jaki dla jaje — tolki srodak, materyjał złačynnaj palityki tych, chto zbankrutavaŭsia u hetaj palitycy, viedučy jaje mirnymi srodkami».
«Pamiać ab kryvavych vyprabavańniach u minułaj vajnie, jość lepšy harant miru i isnavańnia roznych narodaŭ na našaj ziamli».
Aleś Adamovič
«Ja zabiŭ čałavieka. Kali b žyŭ u Hiermanii, ličyłasia b: zabiŭ niemca. Tut: zabiŭ nacysta. Ale i tak, i tak — čałavieka. Kali pa Jevanhielli».
«Hitlery prychodziać i sychodziać, a niamiecki narod zastajecca».
«U vajny nie žanočaje abličča. Ale ništo na hetaj vajnie nie zapomniłasia bolš, razčej, strašniej i pryhažej, čym tvary našych maci».
Śviatłana Aleksijevič
«Nam zdavałasia, što na ziamli budzie zaŭsiody mir, što nichto nikoli nie zachoča vajny, usie snarady pavinny być źniščany. Navošta jany? My stamilisia nienavidzieć. Stamilisia stralać».
«Bieź nianaviści stralać nie budzieš. Heta — vajna, a nie palavańnie».
«Pamirali za žyćcio, jašče nie viedajučy, što takoje žyćcio».
«Historyju vajny padmianili historyjaj pieramohi».
«Napisać by takuju knihu pra vajnu, kab ad vajny vanitavała, i sama dumka pra jaje była b brydkaja. Varjackaja. Samich hienierałaŭ by vanitavała…»
Ivan Mielež
«Vajna zakryvaje ŭsie dalahlady».
«Na froncie kamandzir lubić bajca za dapamohu, śmiełaść, addanaść, a bajec kamandzira za kiravańnie, rozum, čułaść».
Piatruś Broŭka
«Tavaryš! Siahońnia ŭ nas dumy adny:
Mir nam patrebien,
Nie treba vajny!»
Kuźma Čorny
«Ja dumaŭ, što jana pavinna naradzicca ŭ mianie na śviet, kab daviedacca, što śviet vialiki, volny, viasioły, što ŭ nijakaj kazarmie dla čałavieka niama miesca i što žyćcio na śviecie — heta vialikaje ščaście. I jašče dziela adnoj mety jana pavinna naradzicca — kab pieradać užo svaim dzieciam maju nianaviść da fašyzmu… Jany prysvoili sabie čužoje i zaraz uzdumali abjavić siabie lepšymi va ŭsim śviecie».
Čytajcie taksama:
Aleksijevič: Biełarusy, jakija vajujuć na baku Ukrainy, — hieroi
Pieravydańnie hučnaha ramana i pierakład Brodskaha. Knižnyja navinki lutaha pa-biełarusku
«Staražytnych zamkaŭ viežy bierahli ajčyny miežy». Vyjšaŭ novy multyvierš palitviaźnia Andreja Skurko
«tut skanali ad rospačy kafka, orueł, chakśli» Novyja vieršy najlepšych paetaŭ: Nasta Kudasava
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary