Učora stała viadoma, što pamior šmathadovy pres-sakratar MNS Vital Navicki. Mnohija ŭspaminali, jak u 2020 — 2021-m jon publična pakryvaŭ palityčnyja zvalnieńni kaleh i navat katavańni na Akreścina. Ale niekatoryja detali jaho bijahrafii byli da ŭčarašniaha dnia nieviadomyja publicy. Tolki paśla śmierci ich raskryli jaho paplečniki.
Da 2020-ha ŭ Vitala Navickaha była reputacyja redkaha pracaŭnika dziaržstruktur, jaki nie chavajecca ŭ kusty, kali jamu zadajuć pytańni.
Aktyŭny ŭ tvitary, jon byŭ adkryty i da kamientavańnia nadzvyčajnych padziej, redka kali vykručvaŭsia i byŭ kali nie skazać što lubimym pres-sakratarom siarod žurnalistaŭ, to prynamsi ŭ topie. Pa jaho słovach i pazicyi mnohija składvali ŭražańnie ab usim viedamstvie — u Ministerstva pa nadzvyčajnych situacyjach (MNS) było pazityŭnaje rename.
Ale toje źmianiłasia paśla žniŭnia 2020-ha.
Pačałosia ŭsio z taho, jak kažuć kalehi, što ŭ Navickaha źjaviłasia novaja funkcyja — kantrolu za sacsietkami supracoŭnikaŭ MNS. Niekatoryja zvolnienyja pa palityčnych pryčynach źviazvali svoj «sychod» niepasredna z rekamiendacyjami hetaha cenzara.
Kali ratavalnikaŭ pačali vykarystoŭvać dla baraćby ź biełaruskaj simvolikaj, Navicki źnik z tvitara.
«Z tvitaram jamu dapamahała šmat ludziej jak dabraachvotniki, pa svaim žadańni: niedzie videa źniać, niešta pafotkać, razdrukavać. Paśla padziej 2020-ha jon padtrymki ŭsich hetych ludziej pazbaviŭsia, jamu skazali ŭsie, litaralna: «Na nas nie raźličvaj». Kantakty źvialisia da minimumu ŭ ramkach słužbovych abaviazkaŭ. A adviarnulisia ad jaho ŭsie tamu, što jon pačaŭ chłusić ab abstavinach zvalnieńnia ratavalnikaŭ i zapluščvaŭ vočy na abureńnie hramadstva zdymańniem ściahoŭ», — raskazvaje były kaleha Navickaha.
Paśla hetaha akurat nastaŭ čas, kali pačalisia masavyja čystki niełajalnych u dziaržaŭnych strukturach.
«Pra adnaho supracoŭnika jon publična kazaŭ, što zvolniŭsia sam, chacia ŭsie viedali, što nočču da jaho [pažarnaha] u viosku pryjazdžali kadravik i kadebešnik i prymušali padpisvać rapart. Inšaha, u Frunzienskim rajonie, vyklikali, uručyli pracoŭnuju knižku, i prosta z pažarki toj pajechaŭ na sutki, pra heta ŭsie ŭ kalektyvie viedali, a Navicki tałdyčyŭ svajo», — raskazvaje «Našaj Nivie» były ratavalnik.
Pres-sakratar u hety ž čas paŭtaraŭ mantru, što ŭsie «palityčnyja» sami pišuć zajavy na zvalnieńnie: «U arhanizacyi luboj formy ŭłasnaści isnujuć paradak, patrabavańni i praviły, vykonvać jakija pry pryjomie na pracu, a ŭžo tym bolš na słužbu, abaviazujecca kožny pracaŭnik. Naš užo były kaleha 11 žniŭnia padaŭ rapart na zvalnieńnie, vykazvajučy tym samym svaju niazhodu z ustanoŭlenym paradkam, jaki da hetaha času jaho zadavalniaŭ. Jaho prośba była zadavolenaja. Što da paŭtornaha pryjomu na słužbu ŭ orhany i padraździaleńni pa nadzvyčajnych situacyjach, to takaja praktyka isnuje», — kazaŭ jon pra pažarnaha Juryja Kryvašeja, jakoha zvalniali ŭ prysutnaści rabotnika KDB.
Ale navat kaleh z MNS i žurnalistaŭ ździviła, što ŭ dzień śmierci pres-sakratara spačuvańni pryjšli jamu z zusim niečakanaha boku.
Jość taki telehram-kanał łukašenkaŭcaŭ «Ludažor», jaki składajecca ź niedarealizavanych žurnalistaŭ, što pišuć svaje refleksii pa matyvach padziej.
Prezidenta Zialenskaha tam nazyvajuć «nakuranym zielibobam», ukraincaŭ — «šumierami». Jak tam nazyvali biełarusaŭ, to lepš i nie viedać.
Hetaja supołka taksama pastaviła sabie za metu škodnictva niedziaržaŭnym ŚMI. Jany vydumlali praŭdapadobnyja i nie vielmi bajki, zakidvali ŭ redakcyi pad vyhladam faktaŭ, a potym ad imionaŭ «śviedkaŭ» padmanvali žurnalistaŭ, jakija i tak pracavali va ŭmovach padpolla ci vyhnańnia, kali tvaje mahčymaści pravieryć infarmacyju ŭskładnienyja.
Pośpiechi ŭ hetaj spravie ŭ ich byvali redka, ale kali takoje atrymlivałasia, supołka ŭ farbach apisvała, jak naduryła represavanych žurnalistaŭ. Taki prymityŭny sposab padryvu davieru da pracy ŚMI.
I voś učora ŭ «Ludažory» pra Navickaha napisali tak:
«Aproč asnoŭnaj raboty, Vitalik byŭ siabram supołki «Ludažor», ab hetym viedała vielmi abmiežavanaje koła ludziej, ale salidny kavałak svajho času jon vydatkoŭvaŭ na nie zusim bačny infarmacyjny front. Pracavaŭ, zastajučysia ŭ cieni. My stracili nie tolki kalehu, ale i siabra».
Navickamu byŭ 41 hod. Pres-sakratarom MNS pracavaŭ z 2006 hoda.
Čytajcie pa temie:
Pažarny papiaredziŭ ludziej pra źniaćcie ściaha. Jaho zvolnili i vysialajuć razam ź ciažarnaj žonkaj
«Ja i maje kalehi nie zhodnyja z hetym». Minski pažarny asudziŭ vykarystańnie MNS dla baraćby z nacyjanalnaj simvolikaj
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary