Ursuła fon der Lajen i Žazep Barel jeduć ciahnikom u Kijeŭ, kab sustrecca ź Zialenskim
Staršynia Jeŭrakamisii Ursuła fon der Lajen i viarchoŭny pradstaŭnik ES pa zamiežnych spravach i palitycy biaśpieki Žazep Barel siońnia pryjeduć u Kijeŭ dla sustrečy z prezidentam Uładzimiram Zialenskim.
Jany jeduć ciahnikom — u noč na piatnicu vyjechali z polskaha prymiežnaha horada Pšemysl, dzie znachodzicca vialikaja kolkaść biežancaŭ z Ukrainy.
U skład jeŭrapiejskaj delehacyi taksama ŭvachodziać premjer-ministr Słavakii Eduard Chiehier i šerah jeŭraparłamientaryjaŭ.
Ursuła fon der Lejien — pieršy vysokapastaŭleny jeŭrapiejski palityk, jaki z momantu raźni ŭ Bučy pad Kijevam naviedvaje ŭkrainskuju stalicu.
U siaredzinie sakavika Ukrainu naviedvali premjery Polščy, Čechii i Słavienii.
Paśla vizitu ŭ Kijeŭ Lajen 9 krasavika vierniecca ŭ Varšavu na kanferencyju donaraŭ Stand Up For Ukraine, jakaja pravodzicca z metaj zboru srodkaŭ dla ŭkrainskich uciekačoŭ. Kanferencyju sklikali pa inicyjatyvie kiraŭnika Jeŭrakamisii, a taksama premjer-ministra Kanady Džaścina Trudo.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary