U Opiernym nie praciahnuli kantrakt dyryžoru Ivanu Kaściachinu
Viadomy biełaruski dyryžor Ivan Kaściachin bolš nie pracuje ŭ Nacyjanalnym teatry opiery i baleta. Jamu nie praciahnuli kantrakt, jaki skončyŭsia jašče 1 krasavika 2022 hoda, ale publična pra heta nie paviedamlałasia.
Ivan Kaściachin paćvierdziŭ hetuju infarmacyju Zerkalo.io. Pavodle jaho słoŭ, za miesiac da zakančeńnia kantraktu jaho vyklikaŭ namieśnik hienieralnaha dyrektara pa biaśpiecy, režymie i kadrach Aleh Urban. Pa śćviardžeńni Kaściachina, u teatralnym asiarodździ kažuć, što Urban da hetaha pracavaŭ u adnoj ź siłavych struktur. Namieśnik dyrektara pakazaŭ dyryžoru zahad ab niepraciahnieńni kantrakta.
— Paśla hetaha ja pavinien byŭ pracavać jašče miesiac, vieści šeść śpiektaklaŭ, u tym liku na nastupny dzień «Makbiet», jaki ŭžo byŭ adrepietavany. Ciaham 10 chvilin hety čałaviek u pahonach źmianiŭ raskład i prybraŭ mianie z usich śpiektaklaŭ. Darečy, nivodzin čałaviek z dyrekcyi mnie ŭ hetym tak i nie pryznaŭsia. Paśla hetaha ja nie staŭ čakać miesiac i syšoŭ sam, — raskazaŭ dyryžor.
Paśla sychodu z teatra Kaściachin zastaŭsia ŭ prafiesii:
— Ciapier viadu rabotu nad prajektam, na jaki nie chapała času raniej. Jość taksama niekalki zadumak na novym miescy, ale jany patrabujuć času dla realizacyi.
Ivan Kaściachin — viadomy biełaruski dyryžor. Jon vydatna skončyŭ Respublikanski licej pry Biełaruskaj akademii muzyki i Biełaruskuju akademiju muzyki.
U 2000-m staŭ idejnym natchnialnikam stvareńnia studenckaha kamiernaha arkiestra Sonante. Budučy jaho niaźmiennym kiraŭnikom i dyryžoram, na praciahu niekalkich hadoŭ daŭ dziasiatki kancertaŭ pa Biełarusi i za miažoj.
U 2002—2005 hadach byŭ hałoŭnym dyryžoram Minskaha dziaržaŭnaha duchavoha arkiestra «Niamiha». Pravioŭ dziasiatki prahram, u asnoŭnym — kłasičnaj nakiravanaści, ekśpierymientavaŭ ź pierakładańniami dla arkiestra najskładaniejšych polifaničnych tvoraŭ duchoŭnaj muzyki ad Iahana Siebaśćiana Bacha da Kšyštafa Piendereckaha. Staŭ pieršym vykanaŭcam šerahu tvoraŭ biełaruskich kampazitaraŭ.
Z 2003 hoda pracavaŭ dyryžoram Nacyjanalnaha teatra opiery i baleta Biełaruś. Adnačasova supracoŭničaŭ z šeraham inšych kalektyvaŭ.
Usiaho z Opiernaha byli zvolnienyja bolš za 10 čałaviek.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ2
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary