Pad maskaj eratyčnaj kamiedyi «Babnik» z Eštanam Katčeram — zachaplalnaja drama.
Babnik (Spread)
ZŠA, 2009, kalarovy, 97 chv.
Režysior: Dejvid Makienzi
Roli vykonvajuć: Eštan Katčer, En Cheč, Marharyta Levijeva, Siebaśćian Sten, Sonia Rokueł
Žanr: Drama z elemientami erotyki
Adznaka: 6 (z 10)
Pryhažun Niki (Katčer) karystajecca niaźmiennaj uvahaj žančynaŭ. Za košt žančynaŭ jon i žyvie, pry hetym nie admaŭlajecca ad dadatkovych pryhodaŭ pa-za miežami svajoj asnoŭnaje pracy. Adnojčy Niki sustrakaje Chizer — nieprystupnuju afierystku, jakaja šukaje bahatych dziadziaŭ. Rodnyja dušy prosta stvoranyja adna dla adnoj.
Karcina «Babnik», jakaja rekłamujecca ŭ nas jak eratyčnaja kamiedyja — drama z sumnym finałam, jakaja reža praŭdu-matku pra halivudskija štampy j halivudskija mary. Ale ŭ hetym filmie pra pradažnaje kachańnie — dosyć aholenaha žanočaha cieła, łos-andželeskaha hłamura i filejnych častak Eštana Katčera, jaki vystupiŭ pradusaram stužki.
Hetyja składniki musiać zadavolić čypsajedaŭ i damačak balzakaŭskaha vieku. Majucca i nieabchodnyja kamiedyjnyja momanty.
Ale pasył stužki inšy.
Pieknata, jak tavar na prodaž; jurlivaść — jak toje, što pieraŭtvaraje čałavieka ŭ reč; mary — jakija padmanvajuć.
I film varta hladzieć dziela apošnich 10 chvilinaŭ. Eštan Katčer — usio-taki aktor, a nie prosta «Babnik».
Kamientary