Ciomny rycar horadu
Ciomny rycar: Adradžeńnie lehiendy (The Dark Knight Rises)
ZŠA — Vialikabrytanija, 2012, kalarovy, 165 chv.
Režysior: Krystafer Nołan
Roli vykonvajuć: Kryścijan Bejł, Tom Hardzi, En Heteŭej, Maryjon Kacijar, Džezef Hordan-Levit, Hary Ołdmen, Morhan Frymen, Majkł Kiejn, Kilijan Miorfi
Žanr: Komiks
Adznaka: 7 (z 10)
Vosiem hadoŭ tamu Betmen pakinuŭ horad, uziaŭšy na siabie čužyja praviny. Ale zahadkavaja zładziejka ŭ kacinaj mascy j teraryst Bejn prymušajuć Brusa Ŭejna iznoŭ apranuć kaścium Ciomnaha rycara. Tolki Betmen pakutuje ad ranaŭ, a vorahi apielujuć da masaŭ.
Zaviaršalnaja stužka ŭ tryłohii Krysa Nołana raspačałasia złačynstvam u Denviery, dzie psichapat rasstralaŭ hledačoŭ. Realnaść uvarvałasia ŭ kino, ale j sam film užo daŭno nie zvyčajny komiks, a trahiedyja pra hieraizm. Čałaviek prahnie abaraniać inšych, ale siły ŭžo nie tyja. Hieroj zmahajecca za dabro, a ŭ im bačać zło. Złyja niahodniki apranajuć masku dabra j paturajuć instynktam natoŭpu.
U padmurak kinakomiksu Nołan pakłaŭ tvor Dzikiensa «Apovieść pra dva harady»,dzie revalucyjnyja masy karajuć arystakrataŭ. Teraryst Bejn ačolvaje achłakratyčny pieravarot, hramadzianie plaskajuć źvierstvam, «narodny» sudździa — vyzvaleny Kilijan Merfi — pasyłaje na śmierć. Nołan pakazvaje sacyjalnyja miechanizmy zła, jakija vielmi prosta zapuścić — i vielmi ciažka spynić. Samotny Betmen — jak u inšych niadaŭnich komiksach — amal biez maski; heta čałaviek — jaki musić być hierojem, nasupierak abstavinam — i jaki daloka nie zaŭždy pieramahaje.
Treciaja častka «Betmenu» nie nastolki efiektnaja, jak druhaja, ale ad ekranu ŭsio roŭna nie adarvacca.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary