Źniavolenamu redaktaru «Ježiednievnika» vystavili abvinavačvańni pa novych artykułach
Redaktaru «Ježiednievnika» Siarhieju Sacuku, jaki byŭ zatrymany 8 śniežnia minułaha hoda, vystavili abvinavačvańni pa jašče dvuch artykułach kryminalnaha kodeksa.
Raniej jaho vinavacili ŭ atrymańni chabaru. Niadaŭna skončyŭsia maksimalna mahčymy termin utrymańnia Siarhieja pad vartaj pa hetym artykule. I litaralna niekalki dzion tamu Sacuk paviedamiŭ u liście ź SIZA pra novyja abvinavačvańni.
Ciapier Siarhieja vinavaciać jašče i ŭ raspalvańni varažniečy (art. 130 KK) i pieravyšeńni ŭłady albo słužbovych paŭnamoctvaŭ (art. 426 KK). Jakich kankretna dziejańniaŭ redaktara tyčacca abvinavačvańni, nieviadoma.
Siarhieja Sacuka zatrymali 8 śniežnia minułaha hoda pa raniejšaj spravie ab nibyta atrymańni chabaru. U toj dzień doma ŭ žurnalista prajšoŭ čarhovy pieratrus, a samoha Siarhieja źmiaścili ŭ SIZA. Pravaabaroncy pryznali Siarhieja Sacuka palityčnym viaźniem.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary