Litoŭski ministr kultury pra pajezdku śpiavački Pietrykicie na «Słavianski bazar»: My nie nadta budziem adroźnivacca ad susiedziaŭ, kali budziem za heta štrafavać
U Litvie praciahvajecca skandał z pajezdkaj miascovaj śpiavački Birucie Pietrykicie na «Słavianski bazar». Samu pajezdku artystki i jaje dziŭnyja vykazvańni acanili mnohija kalehi, vykazaŭsia i ministr kultury Litvy Simanas Kajrys.
«Ja liču, heta tolki paćviardžaje, što kali jość praviła, budzie vyklučeńnie. Vyklučeńnie tolki paćviardžaje praviła…
Napeŭna, praviła, što Litva viedaje, chto jość chto, moža adsiejać mierapryjemstvy, jakija vykarystoŭvajuć dla prapahandy. Ale adzin čałaviek, abo niekalki ludziej, jakija nie razumiejuć, što adbyvajecca, zaŭsiody buduć. Heta chutčej vyklučeńnie, jakoje paćviardžaje praviła, bo ŭvohule ŭ Litvie ŭsio razumiejuć», — zapeŭniŭ ministr.
Adnak ministerstva nie maje namieru zajmacca adboram vykanaŭcaŭ, skazaŭ Kajrys. Pa jaho słovach, heta moža nanieści škodu.
«Minkult imkniecca paźbiahać takoj roli, kab nie stanavicca cenzaram. Ja dumaju, biessensoŭny zaniatak vyznačać, chto moža vystupać, a chto nie, tym bolš što my — demakratyčnaja, zachodniaja kraina.
My budziem nie nadta adroźnivacca ad susiedziaŭ na ŭschodzie, kali pačniom uvodzić štrafy, składać čornyja śpisy — ja dumaju, hetaha nie treba rabić», — skazaŭ palityk.
Prykład Birucie Pietrykicie, na jaho dumku, tolki pakazvaje, što mašyna prapahandy dziejničaje. Pa słovach Kajrysa, vorahu tolki hetaha i treba.
«Pramoj škody niama. My kažam pra asobnyja vypadki, ale biada ŭ tym, što ich biare na ŭzbrajeńnie varožaja prapahanda i vykarystoŭvaje heta jak vialikuju temu, padzieju.
Dumaju, čym mienš uvahi my budziem nadavać takim nieparazumieńniam, tym budzie praściej. U advarotnym vypadku my traplajem u miasarubku prapahandy», — skazaŭ ministr.
Čytajcie taksama:
«Mnie što, razvodzicca ciapier?» U Litvie horača abmiarkoŭvajecca pryjezd viadomaj litoŭskaj śpiavački na «Słavianski bazar», niahledziačy na vajnu
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary