Hramadstva55

Chto toj dyśpietčar, jaki zapisaŭ na telefon zahady śpiecsłužbista pra pasadku samalota Ryanair i pieradaŭ ich ICAO?

Dyśpietčar aeraporta «Minsk» Aleh Halehaŭ ciškom zapisaŭ na telefon zahady kadebista pra pasadku samalota Ryanair. Paśla Halehaŭ vyjechaŭ ź Biełarusi i pieradaŭ zapisy Mižnarodnaj arhanizacyi hramadzianskaj avijacyi (ICAO). ICAO zajaviła, što pahroza vybuchu na rejsie Ryanair była zaviedama łžyvaj. Arhanizacyja apublikavała dakład pa pasadcy samalota z Ramanam Pratasievičam u Minsku 23 maja 2021 hoda. ICAO pryjšła da vysnovy, što bort pasadzili pa ŭkazańni kiraŭnictva RB, i publikuje zapisy, zroblenyja dyśpietčaram na telefon.

Aleh Halehaŭ z ryzykaj dla siabie zapisaŭ na telefon usio, što zahadvaŭ jamu śpiecsłužbist

Dyśpietčar Aleh Halehaŭ pracavaŭ u «Biełaeranavihacyi» jak minimum z 2010 hoda. Na pačatku lipienia jon pavinien byŭ paśla adpačynku vyjści na źmienu, jaho proźvišča stajała ŭ raskładzie dziažurstvaŭ, ale na pracu jon tak i nie pryjšoŭ. 

Kalehi viedali, što heta Aleh byŭ dziažurnym dyśpietčaram 23 maja 2021 hoda, kali ŭ Minsku pasadzili rejs kampanii Ryanair, i tamu adrazu zatryvožylisia. Pry režymie ludzi źnikajuć pa-roznamu. Chtości znachodzicca ŭ śledčym izalatary, a kahości, jak Viktara Hančara ci Źmitra Zavadskaha, bolš nikoli nie znachodziać.

«Asabista ja nie bačyŭ Aleha daŭno, — skazaŭ «Našaj Nivie» ŭ lipieni 2021 hoda jaho kaleha. — Chodziać čutki, što jon źnik. Kalehi nie mohuć ź im źviazacca i chvalujucca: da jaho niemahčyma dazvanicca, jon pavydalaŭ svaje sacyjalnyja sietki. Načalstva aficyjna ničoha nam nie tłumačyła».

Aleh Halehaŭ žyŭ u Minsku razam ź siamjoj, ciaham niekalkich dzion nam nie ŭdałosia dazvanicca da ich pa chatnim telefonie. Heta dało padstavy dumać, što Halehaŭ nie źnik, a vyjechaŭ razam z rodnymi.

Namieśnik hiendyrektara «Biełaeranavihacyi» Ivan Hierłoŭski spačatku skazaŭ, što Halehaŭ z červienia ŭ adpačynku, i jon ničoha nie viedaje pra jaho źniknieńnie ci zvalnieńnie. Paśla pytańnia, čamu ŭ arhanizacyi takija doŭhija adpačynki, Hierłoŭski ŭdakładniŭ:

— Tak, my, kali ščyra kazać, zvanili, pytalisia, dzie jon znachodzicca, jak jon tam [nierazborliva].

— Vy jamu zvanili? 

— Nu zvanili dzie jon žyvie, u cieščy… Hetym adździeł kadraŭ zajmaŭsia. 

Aleh Halehaŭ — vychadziec z Hruzii. Jon pierajechaŭ u Biełaruś užo ŭ śviadomym uzroście, paznajomiŭsia ź biełaruskaj Hannaj, jakaja była ŭ jaho krajach u kamandziroŭcy. 

«Dumaju, jon źjechaŭ da svajakoŭ u Hruziju», — skazaŭ «NN» jašče adzin kaleha dyśpietčara. 

My sprabavali źviazacca z Aleham i jaho žonkaj, ale mabilnyja nie adkazvali, sacyjalnyja byli sietki vyčyščanyja. Zastavaŭsia tolki Instahram, dzie byŭ całkam źmienieny niknejm, vydalenyja amal usie fałoviery, a ŭ zakrytaha profilu nie było zastavačnaha fota. Anałahičnaja situacyja z žonkaj: tolki niadaŭna, atrymaŭšy novyja siertyfikaty hieštalt-terapieŭta (prafiesija, jakaja zvyčajna praduhledžvaje aktyŭnuju prysutnaść u sacsietkach), jana zakryła ŭsie svaje profili. 

Pieršaje paćviardžeńnie infarmacyi pra toje, što avijadyśpietčar źbieh ź Biełarusi ŭ Polšču i raskazaŭ pra pasadku Ryanair, źjaviłasia tolki praz šeść miesiacaŭ, na pačatku studzienia.

New York Times napisała, što były avijadyśpietčar raskazaŭ polskim śledčym usio, što jamu viadoma pra pasadku samalota z Pratasievičam.

Sa spasyłkaj na dyrektara Departamienta nacyjanalnaj biaśpieki Polščy Stanisłava Žaryna vydańnie pierakazała pakazańni śviedki pra toje, što supracoŭnik KDB u dzień pasadki samalota znachodziŭsia na dyśpietčarskaj vyšcy i kantralavaŭ dziejańni avijadyśpietčara. Na praciahu ŭsiaho incydentu aficer KDB padtrymlivaŭ pastajannuju telefonnuju suviaź z kiraŭnictvam.

«Pierabiežčyk ciapier dapamahaje polskim prakuroram pabudavać jurydyčnuju bazu suprać biełaruskich čynoŭnikaŭ na budučym sudzie», — pisała «Ńju-Ërk tajms».

Paviedamlałasia, što Halehaŭ pieršapačatkova źviazaŭsia z pasolstvam ZŠA ŭ Varšavie, ale amierykancy nakiravali jaho da polskich uładaŭ.

Tak razhortvałasia jašče adna historyja supraćstajańnia režymu i biełaruskaha naroda.

Kali vy, Aleh Halehaŭ, čytajecie nas, źviažyciesia z nami praz naš biaśpiečny @Nasa_Niva_Bot u Telehramie abo praz nashaniva.com@gmail.com.

Kamientary5

  • raj-nar raj-nar raj-NAR Y (piaje durnym hołasam)
    20.07.2022
    naš biaśpiečny @Nasa_Niva_Bot u Telehramie

    biaśpiečny ŭ telehramie? vy heta surjozna?
  • ×××
    21.07.2022
    "hramotno čiełoviek srabotał. Nie kričał, nie machał, nie topał, a polzy prinios - kak nikto".
    Potomu čto po nacionalnosti:
    Hruzin!!!
  • Tri topora
    21.07.2022
    ×××, po-druhomu on sdiełať i nie moh. Po okancovkie na nieho by poviesili vsiech sobak i mohli by likvidirovať s koncami v vodu. Plus jemu za to, čto on vsie eto poniał srazu i podstrachovałsia fundamientalnym obrazom!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»14

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

«Minsktrans» admianiŭ niekatoryja aŭtobusy Minsk — Vilnia19

Nie mienš za 12 zamiežnych dobraachvotnikaŭ zahinuli padčas lipieńskaha ŭdaru pa vučebnym łahiery va Ukrainie1

Capkała prosić brytanskuju palicyju pravieryć, ci chacieŭ Łatuška spalić Cichanoŭskuju29

«Razabrali budaŭničyja aharodžy za noč»: minčanie 20 hadoŭ zmahajucca za mini-park suprać AZS2

Pieršaje vydańnie «Chobita» pradali za rekordnyja hrošy

75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ6

Startap biełarusaŭ, jaki pracuje na Halivud, trapiŭ na ekrany Tajms-skvier1

Mikołu Statkieviču siońnia spoŭniłasia 69 hadoŭ1

Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh28

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»14

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić