Hramadstva

«Piecia kazaŭ, što Łukašenka — novy Vitaŭt». Były redaktar Nexta raskazaŭ, jak los źvioŭ jaho z Łazutkinym i Piatroŭskim

Błohier Jan Rudzik zhadaŭ u vypusku «Tok», jak źmianiŭ ANT na Nexta i byŭ u tavaryskich stasunkach ź niekatorymi praŭładnymi ekśpiertami. «A potym ich niešta papłaviła».

— Jan, ty svaju karjeru pačynaŭ z ANT, paśla ciabie zakinuła na «Biełsat», a paśla na Nexta. Heta prosta supraćlehłaja płyń. Ci jość tabie roźnica — pracavać za chłuśniu ci za praŭdu?

— Ja b nie skazaŭ, što ja pačynaŭ svaju karjeru z ANT, tamu što ja tam byŭ sufloram, jak by heta nie toje, kab vielmi žurnalistyka. Plus ja pracavaŭ na prahramie «Naša ranica» i tam nijakaj prapahandy nie rabiŭ. Heta była chutčej padpracoŭka. Praŭdu, kaniečnie, pryjemniej kazać, čym chłusić.

Ja tady byŭ małady, heta byli časy «Minskaha dyjałohu», plus ja tady nie skazać kab byŭ vielmi palityzavany, u tym sensie, u jakim možna ciapier kazać, to-bok dla mianie heta nie było prablemaj. Na toj momant tam [na ANT] pracavała šmat ludziej «niedziaržaŭnych» pohladaŭ, było niekalki anarchistaŭ, i marhinały tusavalisia na dziaržaŭnym telebačańni. Usio było ok, ja nad hetym nie refleksavaŭ.

— Chto z prałukašenkaŭskich ekśpiertaŭ viadomy tabie? Z kim ty byŭ u tavaryskich adnosinach u minułym?

— Z Łazutkinym i Pieciem Piatroŭskim. Łazutkin, padajecca, byŭ raniej navat, možna skazać, talenavity, sprabavaŭ kaspłeić Limonava, pisaŭ knižki a-la sacrealizm. Byŭ u kamunistyčnaj partyi, ale ŭsie heta ŭsprymali jak pierformans. A potym tak niešta papłaviła jaho.

Piecia [Piatroŭski] zaŭždy byŭ taki, skažam tak, impazantny. Niejkaja ŭ jaho była svaja praŭda. Raniej, nakolki ja pamiataju, kali my paznajomilisia, jon pazicyjanavaŭ siabie jak kansiervatar-tradycyjanalist, i potym niešta na BSSR jamu joknuła, i jon staŭ takim, jak my jaho viedajem.

Mnie padajecca, što jon całkam nie źmianiŭsia, kali jaho Fejsbuk pahladzieć, jon tam časam spračajecca ź inšymi łukašenkaŭskimi «ekśpiertami», tam niejkuju svaju praŭdu piša, asabliva kali jany Kalinoŭskaha pačynajuć tapić, a Piecia ličyć, što Kalinoŭski — heta sacyjalistyčny hieroj. Niekalki razoŭ, kali Pieciu ŭžo pačało płavić, jon pačynaŭ kazać: «Łukašenka — novy Vitaŭt», ja skazaŭ, što dla mianie heta ŭžo zanadta postmadernistyčna. Tady i razyšlisia našy šlachi.

— Raskažy pra svaju evalucyju. Jak ty ad niecikaŭnaści da palityki, tavaryskich adnosin z takimi ludźmi raptam traplaješ u Nexta?

— U Nexta ja trapiŭ paśla «Biełsata». Ja cikaviŭsia palitykaj na takim marhinalna-nihilistyčnym uzroŭni. Azaronak lubić nahadvać, što ja ŭ NBP [Nacyjanał-balšavisckaj partyi] byŭ u dziacinstvie. Mnie było 15-18 hadoŭ, ale čamuści mnie tam nie spadabałasia, choć tam było viesieła, kali ščyra kazać. Mianie cikaviła ŭsio heta, ale kłasičnaja palityka, mejnstrymnaja zdavałasia mnie sumnym zaniatkam, ja lubiŭ, kab było viesieła.

Čytaŭ roznych tam aŭtaraŭ, analitykaŭ, knižki i niejak dzieści tak u 2018-2019 hodzie zrazumieŭ: toje, što adbyvajecca ŭ našaj prastory, heta nie ok, i što dalej budzie tolki horš. Taksama mnie spadabałasia ideja Intermaryuma — abjadnańnia Polščy, Ukrainy, Biełarusi i krain Bałtyi ŭ adziny błok. Tady my paznajomilisia ź Sieviaryncam. Paśla ja pierajechaŭ u Varšavu, tam pajšoŭ na «Biełsat», i paniesłasia.

— Ja viedaju, što ty, pierad tym, jak pierajechać u Polšču i pajści na Biełsat, atrymlivaŭ kartu palaka. Navošta?

— Why not? Z kartaj palaka praściej pierajechać u Polšču. Ja pazicyjanuju siabie biełarusam polskaha pachodžańnia, u mianie heta nie vyklikaje nijakaha dysanansu. Kali ŭ Biełarusi ciapier nie toje, kab vielmi razhulaješsia i jana faktyčna znachodzicca ŭ stanie kałonii Rasii, nu nie mahu ja tam znachodzicca. I kali ŭ mianie jość taki instrumient, jaki dapamoža mnie pierajechać u krainu, blizkuju mnie kulturna, dzie taksama žyvie bahata biełarusaŭ, dyk why not?

Intervju całkam:

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Usie naviny →
Usie naviny

Jak biełarusy čytali i vymaŭlali carkoŭnasłavianskija słovy ŭ XVIII stahodździ? Jość mahčymaść heta vyśvietlić8

Izrail šakavany sietkaj iranskich špijonaŭ, jakija dziejničali ŭ krainie2

Za tydzień na Homielščynie zafiksavanyja rekordnaja kolkaść zalotaŭ dronaŭ i try źbićci

U Homielskaj vobłaści haziety pačali infarmavać hramadzian pra niebiaśpieku abłomkaŭ bieśpiłotnikaŭ1

Kiraŭnik bresckaha aŭtobusnaha parka raskazaŭ pra zarobki da 6000 rubloŭ. A kiroŭca kaža, što ŭsie pajechali ŭ Polšču z-za nizkich zarobkaŭ8

Prezident Indaniezii prylataŭ da Łukašenki, kab pahavaryć pra ŭhnajeńni2

Biełaruski VUP vyras na 2,1%1

Kiraŭnik Lidy zaklikaŭ siłavikoŭ nie spyniać palityčnych represij35

U polskich pamiežnikaŭ z boku biełaruskaj miažy kinuli kaktejlem Mołatava VIDEA8

bolš čytanych navin
bolš łajkanych navin

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić