U Vilni možna zapisać dziaciej u biełaruskuju subotniuju škołu
Vilenski biełaruski muziej imia Ivana Łuckieviča zaprašaje dzietak-biełarusaŭ i ich baćkoŭ na zaniatki ŭ biełaruskaj subotniaj škoły.
Škoła adnović zaniatki ŭ vieraśni. Jany buduć prachodzić pa subotach (mahčymyja i inšyja dni, kali hrupa budzie źbiracca niekalki razoŭ na tydzień) u Centry biełaruskaj supolnaści i kultury (Vilniaus/Vilenskaja 20).
Zaniatki biaspłatnyja, ale pry žadańni Vy zmožacie padtrymać škołu achviaravańniami.
Štotydzień u dadatak da zaniatkaŭ dla dziaciej buduć prachodzić sustrečy baćkoŭskaj škoły, dzie buduć abmiarkoŭvacca aktualnyja dla baćkoŭ temy.
Akramia hetaha, u miežach škoły płanujecca praviadzieńnie majstar-kłasaŭ, tvorčych sustreč, lekcyj z zaprošanymi haściami, a taksama supolnych ekskursij i vandrovak.
Zapoŭnicie, kali łaska, nievialikuju ankietu, kab arhanizatary ŭjaŭlali kolkaść achvočych i mahli skantaktavacca z vami.
Kali naviedvać zaniatki škoły budzie niekalki vašych dziaciej, zapoŭnicie formu dla kožnaha asobna. Na adkazy vam spatrebicca nie bolš za 5 chvilin.
Pierad pačatkam zaniatkaŭ budzie arhanizavany baćkoŭski schod. Pra čas praviadzieńnia schodu vam paviedamiać paźniej.
Kali majecie pytańni, listujcie na [email protected] abo zadavajcie ich u telehram-čacie biełaruskaj subotniaj škoły.
Kab być u kursie apošnich navin, arhanizatary taksama prapanujuć dałučycca da kanała biełaruskaj škoły ŭ Telehramie.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary