FSB apublikavała videa z kadrami pieramiaščeńnia žančyny, jakuju abvinavačvajuć u zabojstvie Duhinaj. Ale jość pytańni
FSB apublikavała videa z kadrami pieramiaščeńnia žančyny, jakuju abvinavačvajuć u zabojstvie Darji Duhinaj. Ź videa vidać, što na adnym i tym ža aŭtamabili vykarystoŭvalisia numary Ukrainy, Kazachstana i niepryznanaj «DNR». Ale jak hetaja žančyna mahła zajechać u Rasiju i svabodna pa joj pieramiaščacca, kali jana zaniesienaja ŭ rasijskuju bazu «Niemiezida»?
U pieršaj častcy Voŭk zajazdžaje ŭ Rasiju na aŭtamabili Mini Cooper — ź jakoj krainy, niezrazumieła; miaža Rasii i Ukrainy zaraz zakrytaja. U druhoj častcy jana telefanuje ŭ dźviery padjezda, dzie žyła Duhina (u FSB nastojvajuć, što Voŭk źniała tam kvateru). U treciaj častcy Voŭk vyjazdžaje z Rasii ŭ Estoniju — pry hetym na kadrach užo dzionnaje śviatło, a aŭtamabil davoli staranna dahladajuć.
Taksama FSB apublikavała try zdymki z kamiery nazirańnia, ź jakich, pavodle viersii śpiecsłužby, vidać, što na aŭtamabili vykarystoŭvalisia numary Ukrainy, Kazachstana i niepryznanaj «DNR».
U toj ža čas jość taki cikavy niuans. Natalla Voŭk (Šaban), jakuju FSB abvinavačvaje ŭ padryvie Darji Duhinaj, z 13 krasavika znachodziłasia ŭ bazie prarasijskaha sajta «Niemiezida». Hety sajt, pa anałohii z ukrainskim «Miratvorcam», źbiraje źviestki ŭkrainskich bajcoŭ, na jakich Rasija maje źviartać asablivuju ŭvahu.
Na hetuju niestykoŭku źviarnuŭ uvahu žurnalist-daśledčyk, kiraŭnik vydańnia Bellingcat Chrysta Hrozieŭ.
«Abvieščanaja FSB padazravanaj u zabojstvie Duhinaj była ŭniesienaja ŭ rasijski doksinh-sajt dla «ukrainskich nacyjanalistaŭ «jak siabra pałka» Azoŭ» jašče ŭ krasaviku 2022 hoda. Jak jana tady trapiła ŭ Rasiju z takim vajennym śledam, jaki lohka vyjaŭlajecca?» — napisaŭ jon u Tvitary.
FSB siońnia zajaviła, što zabojstva było nibyta padrychtavana i ździejśniena ukrainskimi śpiecsłužbami. Jaho vykanaŭcy, maŭlaŭ, schavalisia ŭ Estonii. U toj ža čas ukrainski bok aficyjna zajaviŭ pra svaju niedatyčnaść da zamachu.
Aficyjna asprečvaje prynaležnaść Natalli Voŭk da svajho padraździaleńnia i połk «Azoŭ», niahledziačy na skan paśviedčańnia, jakoje drukujuć rasijskija prapahandysty:
«Tak zvany dakumient, z dapamohaj jakoha rasijskija śpiecsłužby sprabujuć dakazać datyčnaść «Azova» da padryvu mašyny Darji Duhinaj, nasamreč nie bolš čym čarhovaja «vizitoŭka» Jaraša. A sam terakt — heta padrychtoŭka da «trybunału» nad azoŭcami. Bo takim čynam Rasija padahravaje hramadskuju dumku svaich hramadzian adnosna «nieabchodnaści» takoha sudu».
U rasijskich uładnych i prapahandysckich kołach sapraŭdy pašyrajecca isteryja. Namieśnik staršyni kamiteta Savieta Fiederacyi pa mižnarodnych spravach Uładzimir Džabaraŭ užo pačaŭ pahražać žorstkimi dziejańniami, kali jeŭrapiejcy nie vydaduć Natallu Voŭk u Rasiju, a Marharyta Simańjan zaklikała niejkich «prafiesijanałaŭ» pajechać «palubavacca špilami ŭ vakolicach Talina», namiakajučy na historyju atručańnia baćki i dački Skrypaloŭ u Vialikabrytanii i nastupnymi pryhodami ahientaŭ FSB Bašarava i Piatrova ź niadbajna składzienaj lehiendaj.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary
Šaban Natalja Pavłovna
Dołžnosť sołdat.
Sałdat Šaban N.P vydatna vykanała pastaŭlenuju zadaču. Nastupnymi padrychtavacca Kadyrkie i mazaičnamu šyziku:))) Takich nakiravanych admysłovych śpiecyjalistaŭ i eskadronaŭ budzie šmat:)