U kastryčniku na froncie va Ukrainie mohuć być vialikija pieramieny — i voś čamu
U kastryčniku va Ukrainu mohuć viarnucca bajcy Uzbrojenych sił, jakija prachodziać stažyroŭku ŭ Jeŭropie. Hienštab USU moža vykarystoŭvać jak pieravahu na froncie kala 10-15 tysiač hetych vajskoŭcaŭ, jakija asvoili najnoŭšaje zachodniaje ŭzbrajeńnie. Takoje mierkavańnie ŭ intervju Obozrevatel vykazaŭ vajenny ekśpiert Michaił Žyrochaŭ.
Adkazvajučy na pytańnie pra toje, ci mohuć vosieńniu być vialikija pieramieny na froncie, jon zajaviŭ: «Całkam vidavočna. Pakolki da kastryčnika zakančvaje navučańnie korpus ukrainskich dobraachvotnikaŭ, jaki byŭ nakiravany ŭ Jeŭropu».
U pryvatnaści, havorka idzie pra takija krainy, jakija pryniali ŭkrainskich vajskoŭcaŭ na navučańnie, jak Vialikabrytanija, Hiermanija, Polšča i Litva.
«Całkam vierahodna, što Hienieralny štab USU zachoča vykarystoŭvać hetuju pieravahu. Adnak na jakim napramku i jak — mnie heta zusim niezrazumieła», — vykazaŭ zdahadku ekśpiert.
Razam z tym Žyrochaŭ zaŭvažyŭ, što stupień supraćstajańnia na froncie najbližejšaj vosieńniu šmat u čym budzie zaležać ad umoŭ nadvorja. «Palavyja darohi, asabliva na Chiersonščynie, na Danbasie razmakajuć, tamu dastaŭka, łahistyka stanovicca praktyčna niemahčymaj», — rastłumačyŭ jon.
«Aktyŭnyja bajavyja dziejańni praktyčna zamirajuć da zimy, pakul usio heta nie padmierźnie. Ale ž moža padmierznuć, a moža i nie», — udakładniŭ ekśpiert.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary