Suprać Jeŭrasajuza, NATA i Ukrainy. U antyŭradavym mitynhu ŭ Prazie pryniali ŭdzieł 70 tysiač čałaviek
Nie mienš jak 70 tysiač čałaviek pryniali ŭ subotu ŭdzieł u antyŭradavym mitynhu ŭ centry Prahi, paviedamlaje «Svoboda» sa spasyłkaj na palicyju Čechii. Udzielniki patrabavali adstaŭki kabinieta ministraŭ, abjaŭleńnia krainaj niejtralitetu i zaklučeńnia dahavoraŭ ab kupli tannaha hazu, u pryvatnaści, u Rasii. Premjer-ministr krainy Piotr Fijała zajaviŭ, što mitynh arhanizavany prarasijskimi arhanizacyjami.
Akcyja na Vacłaŭskaj płoščy pad nazvaj «Čechija na pieršym miescy» prachodzić pad łozunhami suprać Jeŭrasajuza, NATA i padtrymki Ukrainy ŭ vajnie z Rasijaj. Vystupoŭcy patrabujuć abmiežavać pryjom biežancaŭ z Ukrainy, abviaścić niejtralitet i sfarmiravać «češski, a nie bruselski ci ŭkrainski» ŭrad, — paviedamlajuć Lidové noviny.
Urad krytykujuć za rost cenaŭ na enierhanośbity i vysokuju inflacyju.
Premjer-ministr krainy Piotr Fijała zajaviŭ, što mitynh arhanizavany prarasijskimi arhanizacyjami, jakija vystupajuć suprać intaresaŭ Čechii.
U piatnicu apazicyi ŭ parłamiencie nie ŭdałosia adpravić urad Čechii ŭ adstaŭku na hałasavańni pa votumie niedavieru. Debaty i hałasavańnie doŭžylisia 22 hadziny. Za adstaŭku kabinieta prahałasavali 84 z 200 deputataŭ pry nieabchodnym 101 hołasie.
Unutry Jeŭrasajuza Čechija vystupaje za žorstki kurs da Maskvy. Kraina vysłała bolšaść rasijskich dypłamataŭ, padtrymlivaje sankcyi suprać Rasii, pierastała vydavać bolšaść vidaŭ viz rasijskim hramadzianam i abmiežavała navučańnie rasijskich studentaŭ u VNU.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary