Sproba atručvańnia? Valeryj Sachaščyk samleŭ za rulom. Jaho abśledujuć
Jak stała viadoma «Našaj Nivie», niepryjemnaja historyja adbyłasia z «ministram abarony» ŭ kabiniecie Cichanoŭskaj, Valeryjem Sachaščykam. Simptomy nahadvajuć atručvańnie — za apošni čas Sachaščyk dvojčy byŭ u balnicy. Kulminacyjaj stała strata prytomnaści za rulom, avaryju praduchiliŭ syn aficera, spyniŭšy mašynu.
Jak viadoma «Našaj Nivie», pieršy raz ź dziŭnymi simptomami Sachaščyk trapiŭ u balnicu nieŭzabavie paśla zakančeńnia biełaruskaj kanfierencyi ŭ Vilni.
Paśla hetaha było niekalki sustreč u ES, vizit va Ukrainu. Pa viartańni, jak nam viadoma, u jaho pačali prajaŭlacca dziŭnyja simptomy, kulminacyjaj čaho staŭ vypadak tydniovaj daŭniny — palityk straciŭ prytomnaść za rulom. Na ščaście, ź im jechaŭ syn, jon pierachapiŭ rul i spyniŭ mašynu. Heta zaścierahło ad avaryi.
Z ulikam najaŭnaści dziŭnych simptomaŭ, takich, jak biassońnica i krytyčna źnižanaja pracazdolnaść, blizkija da Sachaščyka ludzi dapuskajuć, što pryčynaj moža być atručvańnie.
Jak nam viadoma, pravierka hetaj viersii płanujecca ŭ znakamitaj bierlinskaj klinicy «Šaryte», dzie ŭ svoj čas byŭ na reabilitacyi rasijski palityk Alaksiej Navalny.
Razam z hetym, paplečniki źviartajuć uvahu na stan pavyšanaj emacyjnaj mabilizacyi padpałkoŭnika Sachaščyka ŭ apošni čas, što było vyklikana rabotaj i siamiejnymi abstavinami. Heta taksama mahło vyklikać prablemy sa zdaroŭjem.
Varta adznačyć, što apošnim časam łukašenkaŭskija prapahandysty adkryta pahražali pradstaŭnikam demakratyčnych sił za miažoj.
Čytajcie taksama: Chto taki Valeryj Sachaščyk, jaki ŭznačaliŭ siłavy błok u kabiniecie Cichanoŭskaj
Valeryj Sachaščyk — aŭtarytetny biełaruski vajenny, były kamandzir bresckich desantnikaŭ, jaki vyrašyŭ dałučycca da ruchu za zakonnaść i pieramieny.
U novastvoranym Abjadnanym kabiniecie jon zaniaŭ miesca pradstaŭnika pa abaronie.
Ličycca, što jon — stvaralnik i natchnialnik pałka «Pahonia», kaściak jakoha składajuć byłyja bajcy siłaŭ śpiecyjalnych apieracyj Biełarusi.
Ciapier čytajuć
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie3
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary