Što pahladzieć. «Karaleva źmiej» (Queen of Serpents) — šykoŭnaja drama ab pryhožaj eposie
Uvieś śviet viedaje «Hulniu tronaŭ», ale kanał Starz vyrašyŭ pieranieści hetuju fentezi-sahu ŭ realny śviet. Vynikam stała «Karaleva źmiej» — raskošnaja kaściumavanaja drama pra adnu z samych niezvyčajnych i sprečnych francuzskich karaleŭ.
Na dvary Francyja, 1560 hod, i karaleva rychtuje da karanacyi svajho syna. Hetaja karaleva — niekali prostaja italjanka, naščadak samaj źnianavidnaj siamji ŭ Jeŭropie, jakaja pieratvaryłasia ŭ adnu z samych upłyvovych žančyn 16 stahodździa, piša Guardian.
Mienavita jana, Kaciaryna Miedyčy, paznajomiła francuzaŭ z tytuniem, brokali i baletam. Ale jana taksama, napeŭna, spryčyniłasia da masavych zabojstvaŭ u Varfałamieŭskuju noč 1572 hoda, kali byli pierabityja pratestanty Paryža.
Apošnija 400 hadoŭ historyki malavali Kaciarynu Miedyčy strašnaj, biaźlitasnaj i złaviesnaj asobaj, jakaja ŭ siabie ŭ spalni źmiešvaje jady. Adsiul i nazva sieryjała — «Karaleva źmiej». U hetym sieryjale sučasny saŭndtrek, raskošnyja kaściumy, łajanka, žančynanienaviśnictva, seks, hvałt, śmierć i prync. Ale, mahčyma, krychu nie chapaje emacyjnaj hłybini. Vam moža być ciažka spačuvać Kaciarynie, chacia jana i asiracieła praź niekalki tydniaŭ paśla naradžeńnia i była zmušanaja iści zamuž u 14 hadoŭ.
U novym sieryjale adrazu vydzialajecca jaho słohan, jaki zaklikaje hledačoŭ adkazać na pytańnie karalevy: «Skažy mnie, što b ty zrabiŭ inakš». Heta zabaŭlalnaja drama, ale ž jana napoŭnienaja napružanymi kanfliktami, sapraŭdnaj siaredniaviečnaj historyjaj i drobiaziami, što časam robiać jaje padobnaj da mieładramy.
Kaciaryna Miedyčy niejki čas kiravała Francyjaj jak rehientka pry svaich synach, i heta byli časy biaskoncych hramadzianskaj i relihijnaj vojnaŭ u Francyi. Ale ž sieryjał raskryvaje i toje, jak muž Kaciaryny, karol Hienrych, zdradžvaŭ joj z kachankaj, jak Kaciaryna, mierkavana, raźviła ŭ siabie prychilnaść da viadźmarstva, i jakoj była jaje zdolnaść brać uładu i vałodać joj. U stužcy Kaciaryna stojkaja i strymanaja, ale ž časam jana moža prajaŭlać čałaviečnaść — naprykład, da ludziej, słabiejšych za jaje.
Chto ž jana, Kaciaryna Miedyčy — hadzina ci prosta žančyna, jakaja ŭmieje vyciskać pa maksimumie ź lubych umovaŭ, u jakich apynajecca? Sieryjał pakidaje adkaz na hetaje pytańnie za hledačom. Jak i pytańnie: a jak by ŭ tych umovach na jaje miescy dziejničaŭ jon sam.
Rejtynhi na vialikich suśvietnych resursach:
IMDB — 7,2/10
Rotten Tomatoes — 100%
Što pahladzieć. Adkryjcie dla siabie Hadara
Što pahladzieć. «Piasočny čałaviek» — adna z najlepšych fentezi-sah hetaha hoda
Što pahladzieć. «Linkaln» dla advakata» — bolš, čym prosta sieryjał pra sud
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary