Litoŭskaha jurysta, jaki ŭciraŭsia ŭ davier da biełaruskich aktyvistaŭ, aryštavali pa padazreńni ŭ špijanažy
Litoŭskija pravaachoŭniki zatrymali padazravanaha ŭ špijanažy hramadzianina Litvy Mantasa Danielusa. Jaho aryštavali na dva miesiacy, paviedamlaje ahienctva BNS sa spasyłkaj na palicyju.
«My možam paćvierdzić, što hety čałaviek zatrymany, jon padazrajecca ŭ špijanažy», — paviedamiŭ BNS u aŭtorak pradstaŭnik palicyi Ramunas Matonis.
Dasudovaje rasśledavańnie, raspačataje ŭ supracoŭnictvie z Departamientam dziaržbiaśpieki, viaduć supracoŭniki Biuro kryminalnaj palicyi Litvy, im kiruje Vilenskaja akruhovaja prakuratura, paviedamiŭ Matonis.
«Kab nie naškodzić śledstvu, my pakul nie možam kamientavać hetaje rasśledavańnie», — skazaŭ jon.
Litoŭski juryst Mantas Danielus u jakaści biznes-kansultanta znajomiŭsia ź biełarusami, ładziŭ lekcyi pra toje, jak adkryć svaju spravu, i prapanoŭvaŭ jurydyčnuju dapamohu.
Paśla jon sam pryznavaŭsia, što pieradavaŭ infarmacyju łukašenkaŭskaj prapahandystcy Ksienii Lebiedzievaj, jakaja ŭ svaju čarhu, pa jaho słovach, źjaŭlajecca supracoŭnicaj Kamiteta dziaržaŭnaj biaśpieki Biełarusi.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary