Pavodle Ministerstva pracy i sacyjalnaj abarony, za studzień-žnivień 2009 h. kolkaść rabotnikaŭ, jakija pracavali niapoŭny dzień ci byli ŭ adpačynkach (častkova apłočanych ci za svoj košt), upieršyniu pieravysiła 300 tysiač čałaviek. Za hety pieryjad u režymie vymušanaj niapoŭnaj zaniataści pracavali 308 282 čałaviek, paviedamlaje sajt charter97.org sa spasyłkaj na hazietu zautra.by.
Bolšaja častka ź ich — 170 603 čałavieki — byli pierieviedzienyja najmalnikami na niapoŭny pracoŭny dzień ci tydzień.
Samy vysoki ŭzrovień schavanaha biespracoŭja pa niapoŭnym pracoŭnym časie ŭ Minsku. U studzieni-žniŭni niapoŭny pracoŭny dzień byŭ uviedzieny dla 49 757 rabotnikaŭ staličnych pradpryjemstvaŭ. U: Bresckaj vobłaści — dla 31 144 čałavieka, u Homielskaj — dla 26 229, u Hrodzienskaj — dla 19 244, u Mahiloŭskaj — dla 17 054, u Minskaj — dla 15 404. Najmienšaja kolkaść rabotnikaŭ pracavała na niapoŭny dzień na pradpryjemstvach Viciebskaj vobłaści – 11 771 čałaviek.
Ličba rabotnikaŭ, jakija pracavali niapoŭny dzień ci byli ŭ vymušanych adpačynkach u 2009 h. vyrasła ŭ dva razy proci 2008 h. i skłała 9,2% ad ahulnaj kolkaści rabotnikaŭ u krainie.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary