Biełaruskaha futbalista zatrymali ŭ Rasii z 200 darožnymi štrafami
Kali hulca kazanskaha «Rubina» biełarusa Vitala Lisakoviča zatrymali supracoŭniki Hałoŭnaj inśpiekcyi biaśpieki darožnaha ruchu (HIBDR), to vyśvietliłasia, što ŭ jaho 200 nieapłačanych darožnych štrafaŭ.
24-hadovy hulec kiravaŭ «Mersedesam» ź biełaruskimi numarami. Numar mašyny i staŭ padstavaj dla spynieńnia kiroŭcy — i kamiery zafiksavali na jaho ŭładalniku nie mienš za 200 nieapłačanych parušeńniaŭ pravił darožnaha ruchu, vialikaja častka ź jakich tyčycca chutkasnaha režymu, paviedamlaje «Insajdłar».
Futbalistu pahražaje pakarańnie ŭ vyhladzie albo vypłaty ŭ dvuchrazovym pamiery sumy niavypłačanaha štrafu, albo administracyjny aryšt na piatnaccać sutak, albo abaviazkovyja raboty na termin da piacidziesiaci hadzin.
U «Rubinie» paviedamili, što Lisakovič tolki siońnia daviedaŭsia, što ŭ jaho jość štrafy.
«Za ŭvieś čas u Kazani jaho ŭpieršyniu spynili supracoŭniki DIBDR. Pakolki jamu nie prychodzili listy ab najaŭnaści štrafaŭ, hulec prosta nie viedaŭ pra ich isnavańnie», — adznačyli ŭ pres-słužbie kłuba. Taksama kłub zajaviŭ, što nie budzie prymianiać sankcyi da futbalista, ale dapamoža jamu razabracca ŭ situacyi.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary