Napeŭna, u kožnaha minčuka Kamaroŭka asacyirujecca z čymści svaim: kahości vabiać pryłaŭki ź siezonnaj sadavinaj, a chtości śpiašajecca siudy pa śviežuju vypiečku i «najlepšuju šaŭrmu». U lubuju paru hoda vy znojdziecie tut tavary, jakich niama ŭ zvyčajnych hipiermarkietach, pačynajučy ad chatnich zakatak i zakančvajučy ekzatyčnaj sadavinaj. Onliner.by zazirnuŭ na pryłaŭki z praduktami z Uschodu i daviedaŭsia, što z usiaho hetaha daspadoby biełarusam.
Heta doŭhaziernavy rys hatunku basmaci, toj, što bieły, — nie prachodziŭ termičnuju apracoŭku, i płoŭ, pa słovach pradaŭca, nam, biełarusam, zrabić vielmi ciažka. Ale vyjście jość — praparany rys ź Indyi za 12 rubloŭ. Ź jaho płoŭ atrymajecca ŭ kožnaha. Plusam budzie adsutnaść pachu.
Bury rys — samy karysny, i jaho tut u asnoŭnym biaruć prychilniki zdarovaha ładu žyćcia i tyja, chto sočyć za fihuraj.
«Toj rys, što vy kuplajecie ŭ kramie za niekalki rubloŭ, paśla vareńnia pieratvarajecca ŭ kašu. Tut ža minimum kruchmału, paśla hatavańnia jon budzie sopki», — raspaviadaje pradaviec.
Pa susiedstvie z rysam raźmiaščajucca aliŭki i maśliny. Imi siońnia mała kaho ździviš, dy i jeści ich pačynajuć paśla peŭnaha momantu žyćcia, ale voś pasta z maślin, jakuju možna namazać na chleb, vyhladaje jak niešta novieńkaje.
Šafran, jak by banalna heta ni hučała, karol usich śpiecyj, hram jakoha kaštuje značna daražej za zołata. Cana abumoŭlenaja ŭ pieršuju čarhu vielmi zatratnaj vytvorčaściu. Smak šafrana śpiecyjalisty charaktaryzujuć jak smak miodu ź mietaličnym adcieńniem, horki i rezki adnačasova. Dadavać hetuju śpiecyju, pa słovach pradaŭca, možna kudy zaŭhodna.
Młuchija — heta papularnaja ŭschodniaja strava na asnovie liścia džutu. Jaje jašče nazyvajuć «jehipieckim špinatam» za vysokaje ŭtrymańnie vitaminaŭ i minieralnych rečyvaŭ. Charakternaja rysa hetaj raśliny — śliź u liści. U stravy niama jarka vyjaŭlenaha smaku (chutčej za ŭsio, biez smaku), ale ślizkaja struktura ŭ spałučeńni sa śpiecyjami dazvalaje hatavać hustyja sousy, supy. Akramia taho, u joj šmat karysnych rečyvaŭ, minierałaŭ.
Tut ža možna nabyć ružovuju i miatnuju vadu, jakija dadajucca ŭ kandytarskija vyraby abo kaktejli. Niekalki niezvyčajnych siropaŭ, chumus, tamatavyja pasty, babovyja ŭ słoikach, kakosavaje małako, alej i cukar.
Charysa nadaje stravam asablivuju vostruju notu. Vydatna padychodzić dla straŭ z baraninaj, kurycaj i rybaj, a taksama ŭ jakaści prypravy dla kuskusa, supoŭ i sousaŭ. Uvohule, čymści nahadvaje adžyku.
Tachini — raspaŭsiudžanaja na Blizkim Uschodzie hustaja pasta z mołataha kunžutnaha nasieńnia, jaje dadajuć jak nieabchodny kampanient da mnohich straŭ, naprykład, da fałafiela, chumusa, akramia taho, jana słužyć asnovaj dla mnohich sousaŭ. U čystym vyhladzie maje tłusty i viažučy smak, jaki adpaviadaje naturalnamu kunžutu.
Jašče tut možna znajści niezvyčajnuju harbatu i kavu. Naprykład, kava tut budzie z kardamonam, a harbata bieź lista. Cukar nahadvaje ledziašy, ale ŭ haračyja napoi jaho nie dadajuć — jaduć uprykusku. Aranžavy cukar — z šafranam.
«Jon chutčej lačebny, pry prastudzie nasahłotkavaja častka prabivajecca».
«Syr kisły, možna navat skazać, prakisły. Uźbieki ź jaho varać supy, a našy biełarusy biaruć jak zakusku».
Nuha z sucelnymi fistaškami i pialostkami ruž — 70 rubloŭ za kiło. Ale naŭrad ci hetu słodyč ciahajuć pakietami, chutčej adzinkava, tak, pačastavać kaho. Pobač padabienstva miuśli, ale ź vialikaj kolkaściu arechaŭ.
Tut ža možna nabyć rachat-łukum, zaviazanuju ŭ kosku dyniu i paru-trojku vidaŭ chałvy: małočnaja, kunžutnaja i słaniečnikavaja.
Pachłava — uschodniaja słodyč u vyhladzie piraha z načyńniem z raściortych arechaŭ i cukru.
U asartymiencie jość niezvyčajnyja babovyja, takija, jak nut (jaho dadajuć u płoŭ), zialonaja sačavica, kinoa i amarant.
«Nut — heta haroch, jaho dadajuć u płoŭ, ale ja i supy ź jaho varyła. Adzinaje adroźnieńnie, kali ad našaha mohuć być prablemy z žyvatom, to ŭ nuta niama nijakich nastupstvaŭ. Kinoa varać i dadajuć u sałaty, z amarantam taja ž historyja, ale smak u jaho śpiecyfičny, ja b skazała — bałocisty».
A voś ad kolkaści finikaŭ, sušanych abrykosaŭ, ananasaŭ, razynak i inšaj zamorskaj sadaviny vočy raźbiahajucca.
Samym darahim tavaram akazaŭsia kardamon — 180 rubloŭ za kiło. Pach nastolki kancentravany, što vykarystoŭvajuć jaho ŭ małych kolkaściach.
Uvohule, smakavyja miežy pašyryć tut adnaznačna možna, a kali pašancuje, to i na kiešju pamieram ź miezieniec pahladzicie.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Pustitie jaho dachaty… na vakzale amon pačastuje šafranam) rachat łukum abiaśpiečany