Stała ciažka atrymać pašparty staroha ŭzoru, prapanujuć bijamietryčnyja
Pra składanaści z atrymańniem pašpartoŭ staroha ŭzoru, to-bok papiarovych, asabliva ŭ rehijonach, napisaŭ telehram-kanał dla turystaŭ «Sobiraj riukzak». Z čaćviarha 24 listapada aŭtar hetaha kanała staŭ atrymlivać infarmacyju ad čytačoŭ pra abmiežavańni na atrymańnie pašparta staroha ŭzoru ŭ roznych haradach Biełarusi.
U pieršuju čarhu havorka išła pra adździaleńni hramadzianstva i mihracyi ŭ rehijonach: praktyčna ŭsiudy (akramia Minska i abłasnych haradoŭ) tym, chto źviarnuŭsia z pytańniem zamieny pašparta, admaŭlali ŭ jaho terminovym vyrabie (za 7 dzion).
Ale hetym nie abmiežavałasia — niekatoryja ludzi stali atrymlivać poŭnyja admovy ŭ pryjomie zajavy na zamienu pašparta i atrymańnia staroha ŭzoru navat na vyrab u standartny termin — 1 miesiac. Kamuści admaŭlali adrazu, kamuści viarnuli užo padadzienyja zajavy. Zamiest hetaha hramadzianam prapanujuć vyrabić dakumienty novaha ŭzoru — ID-kartu i bijamietryčny pašpart. Taki ž varyjant prapanujuć i dzieciam, jakim 14 hadoŭ i ŭ jakich pašpart budzie pieršym.
Niemahčymaść atrymańnia zvyčajnaha pašparta čynoŭniki tłumačać techničnymi pryčynami, a mienavita — adsutnaściu błankaŭ. Časovaja heta miera ci pašparty staroha ŭzoru prosta pastupova spyniajuć vydavać — nieviadoma.
Aficyjny kamientar u departamiencie pa hramadzianstvie i mihracyi Biełarusi pasprabavała atrymać vydańnie Tochka.by. Načalnik departamienta Alaksiej Biahun skazaŭ, što čynoŭniki dziejničajuć u adpaviednaści z ukazam Łukašenki №107: «Vydača pašpartoŭ staroha ŭzoru praciahvajecca, tolki vyrablajuć dakumient u miesiačny termin. Bijamietryčnyja dakumienty možna atrymać našmat chutčej».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary