U Kitai telebačańnie cenzuruje karcinki ź ludźmi biez masak na Čempijanacie śvietu pa futbole
Heta adbyvajecca na fonie pratestaŭ, što ŭspychnuli pa ŭsim Kitai z-za palityki «nulavoha kavidu».
Hledačy zaŭvažyli, što Centralnaje telebačańnie Kitaja paźbiahaje kadraŭ z Čempijanatu śvietu pa futbole, dzie ludzi na trybunach siadziać biez masak. Voś dobry prykład.
Some people still refusing to see this, so decided to track it. Within a minute, there was this: close-up shots of Canadian and Croatian fans on BBC/international feed, replaced by a solo shot of Canadian coach John Herdman on CCTV. pic.twitter.com/V3DZRjHrzk
Takaja cenzura zusim nie dziŭnaja, uličvajučy pratesty, jakija adbyvalisia ŭ Kitai apošnimi dniami. Pratesty pačalisia paśla pažaru na 15-m paviersie žyłoha doma ŭ horadzie Urumčy na krajnim zachadzie Kitaja, piša The New York Times. 10 čałaviek zahinuli, bo strohija antykavidnyja praviły zabaraniali im pakidać žytło.
Žychary vyjšli na vulicy Urumčy, dalej pratesty raspaŭsiudzilisia na ŭvieś Kitaj.
U Šanchai navat zahučali łozunhi «Dałoŭ kamunistaŭ» i «Dałoŭ Si Czińpina».
Kitajskija antykavidnyja vakcyny mienš efiektyŭnyja, čym zachodnija. Heta ŭłady krainy imknucca kampiensavać za košt «stratehii nulavoha kavidu» — strohich łakdaŭnaŭ, karancinu i masavaha teściravańnia.
Pratesty ŭ Kitai adnosna redkija, u krainie žorstki tatalitarny režym. Dysidentaŭ sadžajuć u turmy, sacyjalnyja sietki znachodziacca pad žorstkaj cenzuraj, a niezaležnyja hrupy zabaronienyja.
Ale paŭsiudnaść kavidnych abmiežavańniaŭ u Kitai pierapoŭniła čašu hnievu.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku90
Kamientary