U Minsku adkryjuć jašče adnu łyžnuju trasu. Jana budzie sa štučnym śnieham
Adkryćcio trasy płanujecca na vychadnych u parku Paŭłava.
Heta budzie trasa sa štučnym śnieham, ale praciahłaść bolš za kiłamietr, pišuć Minsk-Naviny.
Znachodzicca jana pobač ź placoŭkaj dla varkaŭta. Dystancyja ŭžo hatovaja, a śpiecyjalnaja technika vyraŭnoŭvaje i ŭkatvaje śniežnuju padušku, jakaja zmoža pralažać da viasny. Jak raspavioŭ pieršy namieśnik kiraŭnika administracyi Maskoŭskaha rajona Siarhiej Rubanaŭ, da adkryćcia trasy buduć prymierkavany spabornictvy pa łyžnych honkach siarod vučniaŭ 5—7-ch kłasaŭ rajona. Čakajecca, što na start vyjdzie kala 700 dziaciej.
— Cyrymonija adkryćcia zapłanavanaja na 12:30, a praz 10—15 chvilin pačniecca turnir. U hety dzień dla ŭsich žadajučych pakatacca buduć svabodnyja łyžy — kala 20—30 par. Haściam śviata prapanujem haračy čaj, vypiečku, — adznačyŭ S. Rubanaŭ.
Trasu płanujuć zadziejničać u dni zimovych kanikuł: u hety pieryjad čakajecca 4—5 turniraŭ pa łyžnych honkach. Z 17 pa 19 studzienia projdzie pieršy etap spabornictvaŭ pa bijatłonie «Śniežny snajpier». Abjekt budzie adkryty dla žycharoŭ.
Adnak varta ŭličyć, što ŭ viačerni čas tut niama aśviatleńnia.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary