Palitviaźniami pryznali jašče 18 čałaviek, siarod ich spartoviec Chamutoŭski i navukoviec Davydzienka
Pravaabaroncy pryznali palitviaźniami jašče 18 źniavolenych režymam Łukašenki ludziej, paviedamlaje «Viasna».
Siarod novych palitviaźniaŭ — były futbolny bramnik, a ciapier trenier Vasil Chamutoŭski, a taksama člen-karespandent NANB, doktar bijałahičnych navuk Aleh Davydzienka sa svajoj žonkaj Natallaj.
Inšyja novapryznanyja palitviaźni — Aleh Švajko, Mikałaj Arciuchoŭ, Dźmitryj Bujvidovič, Fiodar Parecki, Anastasija Čumak, Dźmitryj Bieraśnieŭ, Siarhiej Čareška, Maksim Pučynski, Alaksandr Cyhankoŭ, Andrej Žuk, Maryja Žuk, Dźmitryj Laŭčuk, Illa Dubień, Andrej Biaśko, Hryhoryj Vasilkoŭ.
Chto hetyja ludzi i čamu pravaabarončyja arhanizacyi ličać ich spravy palityčna matyvavanym, možna daviedacca tut.
Ahulnaja kolkaść palitviaźniaŭ ciapier — 1456.
Praŭda, varta ŭličvać, što ŭ hetuju statystyku ŭvachodziać daloka nie ŭsie, chto znachodzicca ŭ źniavoleńni pa palityčnych pryčynach, realnaja kolkaść biełaruskich palitviaźniaŭ našmat bolšaja.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary