Abjadnanaja hramadzianskaja partyja (AHP) pačynaje kampaniju infarmavańnia hramadzian Biełarusi ab supracoŭnikach siłavych struktur, jakija vyznačylisia žorstkaściu pry razhonie mirnych vuličnych akcyj.
Adpaviednaje rašeńnie było pryniata 19 kastryčnika palitradaj partyi.
«Padstavaj dla pačatku kampanii staŭ žorstki razhon akcyi salidarnaści ź biełaruskimi palitźniavolenymi, jakaja prajšła ŭ Minsku 16 kastryčnika, — paviedamiŭ lider AHP Anatol Labiedźka. — Usiaho byli zatrymany 22 čałavieki. Samo zatrymańnie prachodziła z prymianieńniem siły i źbivańniem udzielnikaŭ akcyi. Niematyvavanaje prymianieńnie siły praciahvałasia i ŭ budynku UUS Centralnaha rajona Minska».
U zajavie palitrady adznačajecca, što AHP «akcentuje ŭvahu mižnarodnaj supolnaści, pravaabarončych arhanizacyj na niezakonnych dziejańniach pradstaŭnikoŭ siłavych struktur, što vyraziłasia ŭ niematyvavanym prymianieńni fizičnaj siły, u stvareńni pieraškod dla pracy žurnalistaŭ».
Labiedźka taksama paviedamiŭ, što 19 kastryčnika jon pieradaść u Hienieralnuju prakuraturu list z patrabavańniem arhanizavać rasśledavańnie faktaŭ niezakonnych dziejańniaŭ supracoŭnikaŭ siłavych struktur i pryciahnuć ich da kryminalnaj adkaznaści.
Kamientary