Cichanoŭskaja ŭ adkaz na krytyku Padalaka: My budziem padtrymlivać Ukrainu niezaležna ad taho, jak budzie raźvivacca dyjałoh z Kijevam
Pra heta na pres-kanfierencyi, pryśviečanaj pałovie hoda pracy Abjadnanaha pierachodnaha kabinieta, zajaviła Śviatłana Cichanoŭskaja.
«My budziem padtrymlivać ukrainski narod u ich baraćbie, u našaj ahulnaj baraćbie suprać rasijskaj ahresii niezaležna ad taho, jak budzie raźvivacca naš dyjałoh z aficyjnym Kijevam», — skazała jana.
Cichanoŭskaja adkazała na krytyku daradcy Ofisa prezidenta Ukrainy Michaiła Padalaka, jaki papraknuŭ apazicyju ŭ nievyraznaj antyvajennaj aktyŭnaści.
«Takija zajavy ad pradstaŭnikoŭ administracyi dematyvujuć biełarusaŭ. Bačym sprečki ŭ sacsietkach pamiž biełarusami i ukraincami. Škada, što da takoha daviedziena».
Śviatłana padkreśliła, što razam ukraincy i biełarusy zmahli b damahčysia bolšaha.
Pa słovach Cichanoŭskaj, praca va Ukrainie viadziecca. «U nas prajšło šmat sustreč u Kijevie. I z deputatami Viarchoŭnaj rady, i z pradstaŭnikami Administracyi prezidenta Ukrainy. Mnohija ź ich niepubličnyja», — patłumačyła jana.
Ciapier Ofis sprabuje zabłakavać Łukašenku na vybarach u Radu biaśpieki AAN.
«Supraćstajańnie z režymam časam adbyvajecca na niezaŭvažnych placoŭkach. My heta robim, kab zabrać u režymu manapoliju pradstaŭlać imia biełaruskaha naroda na mižnarodnych placoŭkach», — skazaŭ Valer Kavaleŭski.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary