Supiernicaj Viktoryi Azaranki (6‑ie miesca ŭ rejtynhu) u zaklučnym matčy papiarednich spabornictvaŭ na vynikovym turniry ŭ horadzie Docha (Katar) budzie Ahnieška Radvańska z Polščy (10).
Raniej płanavałasia, što Azaranka sustreniecca z rasijankaj Vieraj Zvanarovaj (9), jakaja, u svaju čarhu, zamianiła traŭmavanuju suajčyńnicu — pieršuju rakietku śvietu Dzinaru Safinu.
29 kastryčnika Zvanarova prajhrała svoj pieršy matč datčancy Karalinie Vaźniacki — 0:6, 7:6 (7:3), 4:6, paśla čaho źniałasia z turniru, spasłaŭšysia na traŭmu pravaj ščykałatki.
Safina ŭ startavym pajadynku 28 kastryčnika sustrakałasia ź sierbkaj Alenaj Jankavič (8) i pa pryčynie bolaŭ u śpinie admoviłasia ab baraćby pry liku 1:1 u pieršym secie.
Stanovišča ŭ Biełaj hrupie: Vaźniacki — 2 pieramohi (roźnica setaŭ 4‑2), Azaranka — 1 pieramoha, 1 paražeńnie (3‑2), Jankavič — 1 pieramoha, 1 paražeńnie (2‑2), Radvańska (0).
U vypadku pieramohi Azaranka vyjdzie ŭ paŭfinał. Bałans asabistych sustreč z Radvańskaj na karyść biełaruski — 2:1 (paražeńnie ŭ 2006 hodzie, pieramohi ŭ 2007‑m i 2008‑m).
U Bardovaj hrupie amierykanka Sierena Uiljams vyjhrała ŭ čaćvier u rasijanki Aleny Dziamienćjevaj (5) — 6:2, 6:4, a Vienus Uiljams (7) — u inšaj pradstaŭnicy Rasii Śviatłany Kuźniacovaj (3) — 6:2, 6:7 (3:7), 6:4.
Stanovišča: S.Uiljams — 3 pieramohi (6‑1), Dziamienćjeva — 1 pieramoha, 1 paražeńnie (2‑3), V.Uiljams — 1 pieramoha, 2 paražeńni (4‑5), Kuźniacova — 2 paražeńni (1‑4).
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary