KDK raskazaŭ, jak taksisty maštabna ŭchilalisia ad vypłaty padatkaŭ
Kamitet dziaržkantrolu daŭ spravazdaču pra rasśledavańnie bujnoj spravy, źviazanaj ź pieravozkami dla servisu «Jandeks.Taksi». Šerah pradprymalnikaŭ padazrajecca va ŭchileńni ad vypłaty padatkaŭ.
Pavodle paviedamleńnia KDK, padazravanyja ŭ 2020—2023 hadach rehistravali subjekty haspadarańnia, u jakija najmalisia taksisty. Dalej zaklučalisia damovy z «Jandeks.Taksi» na akazańnie pasłuh. Pry hetym vyručka, atrymanaja kiroŭcami, chavałasia, zarobki im płacilisia «ŭ kanviertach».
«Dla supraćdziejańnia vyjaŭleńniu i spynieńniu niezakonnaj dziejnaści subjekty haspadarańnia, ad imia jakich akazvalisia pasłuhi taksi, pieryjadyčna mianialisia, a ŭ jakaści dyrektaraŭ i zasnavalnikaŭ vystupali zamiežnyja hramadzianie. Adpracavaŭšy niekalki miesiacaŭ, subjekty haspadarańnia spyniali svaju dziejnaść, a nielehalnaja dziejnaść «pieravodziłasia» na inšyja pradpryjemstvy. Usiaho ŭ schiemie było zadziejničana zvyš 15 subjektaŭ haspadarańnia», — raskazali ŭ KDK.
U vyniku, pavodle acenki kamiteta, było ŭtojena ad padatkaŭ bolš za 10 młn rubloŭ vyručki, a zarobak «u kanviertach» atrymlivała bolš za tysiaču kiroŭcaŭ. Bolšaść ź ich pracavała nielehalna, biez aficyjnaha pracaŭładkavańnia. Škoda ad niavypłaty padachodnaha padatku z zarobkaŭ acenienaja bolš čym u 2 młn rubloŭ.
«Za ŭchileńnie ad vykanańnia abaviazkaŭ padatkovaha ahienta pa pieraličeńni ŭ biudžet padachodnaha padatku Departamientam finansavych rasśledavańniaŭ raspačata kryminalnaja sprava pa č. 2 art. 2431 Kryminalnaha kodeksa Respubliki Biełaruś. Aktyŭnyja ŭdzielniki niezakonnaj schiemy zatrymanyja, na ich majomaść nakładzieny aryšt», — havorycca ŭ paviedamleńni KDK.
Pavodle infarmacyi kamiteta, ź minułaha hoda ŭ suviazi z padatkovymi parušeńniami ŭ taksi było zaviedziena 17 kryminalnych spraŭ, a suma škody pa ich pieravysiła 9 młn rubloŭ. U asnoŭnym parušeńni źviazanyja z vypłataj zarobkaŭ biez adlustravańnia ŭ buchhałtarskim uliku.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Mašinu prodała i transport stał biespłatno)
Pusť sami kormiat etu svoru mientov i darmojedov.