Žurnalista WSJ Evana Hierškoviča aryštavali na dva miesiacy za «špijanaž suprać RF»
Mužčyna padazrajecca ŭ špijanažy ŭ intaresach amierykanskaha ŭrada. Pa danych FSB RF, Hierškovič pa zadańni ZŠA ažyćciaŭlaŭ zbor źviestak, jakija składajuć dziaržaŭnuju tajamnicu. Siońnia Lefortaŭski sud Maskvy aryštavaŭ žurnalista na dva miesiacy biez prava ŭniasieńnia zakładu.
Žurnalist byŭ zatrymany ŭ Jekaciarynburhu pry sprobie atrymańnia sakretnych źviestak, adznačyli prapahandysty.
Pradstaŭnica MZS RF Maryja Zacharava zajaviła, što toje, čym zajmaŭsia ŭ Jekaciarynburhu supracoŭnik amierykanskaha vydańnia The Wall Street Journal, nie maje dačynieńnia da žurnalistyki.
Pres-sakratar Pucina Piaskoŭ zajaviŭ, što Hierškovič nibyta zajmaŭsia špijanažam i byŭ złoŭleny na miescy złačynstva. Ale dadaŭ, što karpunkt amierykanskaha vydańnia praciahnie pracu.
U svaju čarhu, The Wall Street Journal adchilaje abvinavačvańni ŭ adras svajho zatrymanaha karespandenta i patrabuje jaho nieadkładnaha vyzvaleńnia.
«Uziali z dokazami złačynstva». U Kramli prakamientavali zatrymańnie žurnalista WSJ
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary