U Biełarusi znajšli novy vid staražytnych bakteryj. Dahetul mikraarhanizm Tubula tortusa byŭ nieviadomy, paviedamiła zahadčyca łabaratoryi litałohii i bijastratyhrafii Instytuta hieałohii i hieachranałohii dakiembryju RAN Alena Hałubkova.
Arhanizmy Tubula tortusa ŭjaŭlajuć saboj połuju trubku, vakoł jakoj pa śpirali navitaje «tonkaje cylindryčnaje ŭtvareńnie». U dalejšym hetaja struktura nabyła formu, blizkuju da stužki.
Staražytnaja bijota (sukupnaść mikraarhanizmaŭ) była vyjaŭlenaja rasijskimi navukoŭcami ŭnutry śvidraviny Paŭnočna-Połackaja, jakuju praśvidravali na poŭnačy Biełarusi ŭ 2019 hodzie. Hetaja śvidravina była nieabchodnaja dla vyvučeńnia historyi Uschodnie-Jeŭrapiejskaj płatformy (Učastka ziamnoj kary), u skład jakoj uvachodziać uschodnija terytoryi Polščy, Ukraina, Biełaruś, krainy Bałtyjskaha rehijona i jeŭrapiejskaja častka Rasii.
Novaje miescaznachodžańnie staražytnych mikraarhanizmaŭ, jakija žyli ŭ marskim basiejnie na terytoryi sučasnaj Biełarusi 539-529 młn hadoŭ tamu, vyjavili na hłybini 479-340 mietraŭ.
Pavodle rasijskich vučonych, hetaja znachodka maje važnaje navukovaje značeńnie. Ź jaje dapamohaj možna bolš dakładna prasačyć evalucyju žyvych arhanizmaŭ na rańnich etapach farmavańnia bijaśfiery Ziamli.
Kamientary