У Беларусі знайшлі новы від старажытных бактэрый. Дагэтуль мікраарганізм Tubula tortusa быў невядомы, паведаміла загадчыца лабараторыі літалогіі і біястратыграфіі Інстытута геалогіі і геахраналогіі дакембрыю РАН Алена Галубкова.
Арганізмы Tubula tortusa ўяўляюць сабой полую трубку, вакол якой па спіралі навітае «тонкае цыліндрычнае ўтварэнне». У далейшым гэтая структура набыла форму, блізкую да стужкі.
Старажытная біёта (сукупнасць мікраарганізмаў) была выяўленая расійскімі навукоўцамі ўнутры свідравіны Паўночна-Полацкая, якую прасвідравалі на поўначы Беларусі ў 2019 годзе. Гэтая свідравіна была неабходная для вывучэння гісторыі Усходне-Еўрапейскай платформы (Участка зямной кары), у склад якой уваходзяць усходнія тэрыторыі Польшчы, Украіна, Беларусь, краіны Балтыйскага рэгіёна і еўрапейская частка Расіі.
Новае месцазнаходжанне старажытных мікраарганізмаў, якія жылі ў марскім басейне на тэрыторыі сучаснай Беларусі 539-529 млн гадоў таму, выявілі на глыбіні 479-340 метраў.
Паводле расійскіх вучоных, гэтая знаходка мае важнае навуковае значэнне. З яе дапамогай можна больш дакладна прасачыць эвалюцыю жывых арганізмаў на ранніх этапах фармавання біясферы Зямлі.
Цяпер чытаюць
Жонка Статкевіча расказала, пра што паспела паразмаўляць з ім13
Каментары