Pravaaabaroncy daviedalisia niekatoryja padrabiaznaści siońniašniaha chapuna ŭ Dziaržynsku. Pavodle ich, u siłavikoŭ byŭ śpis na prykładna 30 čałaviek — u hetych ludziej siońnia i pavinny byli adbycca pieratrusy.
Bolšaść ludziej paśla pieratrusaŭ adpuskajuć, adnak viadoma, što jak minimum dvoje dahetul znachodziacca ŭ RAUS, piša «Viasna».
«Pracavaŭ SACHR i AMAP. Pastanova vypisanaja z nahody «ŭstanoŭki vybuchovaha prystasavańnia na trasie ŭ rajonie Pietkavič». Pieratrusaŭ šmat, zatrymlivajuć nie ŭsich: pravodziać pieratrus, spampoŭvajuć infarmacyju z telefona, mnohich adpuskajuć, navat ničoha nie vymajučy. Adnaho čałavieka vyvodzili z domu z pakietam na hałavie i ŭ kajdankach. Mnohich praviarajuć, tamu što jany trapili na kamiery videanazirańnia na ŭjeździe ŭ Dziaržynsk. Pytajucca, navošta i kudy jeździŭ», — raskazali infarmatary.
Proźviščy zatrymanych udakładniajucca.
Viadoma taksama, što siońnia ŭviečary dziaržynskija ŭčastkovyja chadzili pa ludziach taksama pa niejkim śpisie i prahladali ŭ ich telefony.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary