Sudan: Dziaržsakratar ZŠA abviaściŭ trochdzionnaje pieramirje. Ci vykonvajecca jano, niezrazumieła
Dziaržsakratar ZŠA Entani Blinkien u paniadziełak abviaściŭ, što baki ŭ Sudanie pahadzilisia na trochdzionnaje pieramirje, jakoje pavinna było pačacca apoŭnačy pa miascovym časie. Heta ŭžo treciaje za dzieviać dzion bajoŭ abjaŭleńnie pra pieramirje, i papiarednija dva byli sarvanyja.
Entani Blinkien nie patłumačyŭ, čamu jon ličyć, što na hety raz bajavyja dziejańni sapraŭdy buduć spynienyja, piša Bi-bi-si.
Blinkien raspavioŭ tolki, što damoŭlenaść ab spynieńni ahniu z vajenizavanym farmavańniem «Siły chutkaj padtrymki» (SCHP) i rehularnaj armijaj była dasiahnutaja ŭ vyniku 48 hadzin pieramovaŭ. Ahienctva Reuters tłumačyć, što pasrednikami ŭ pieramovach vystupili ZŠA i Saudaŭskaja Aravija.
SCHP paćvierdzili słovy Blinkiena, vypuściŭšy zajavu, što jany hatovyja całkam spynić ahoń.
Vojska Sudana praź dźvie hadziny paśla abvieščanaha Blinkienam pačatku pieramirja taksama zajaviła praz fejsbuk, što maje namier jaho vykonvać.
Padčas bajoŭ, jakija ŭspychnuli ŭ Sudanie 15 krasavika, zahinuli jak minimum 400 čałaviek.
Z-za bajoŭ žychary stalicy Sudana, Chartuma, vymušanyja ŭ asnoŭnym siadzieć pa damach, i ŭ ich zakančvajucca ježa i vada. U niekatorych miescach paškodžany vadapravod, i mnohim chartumcam pryjšłosia adpraŭlacca pa vadu da raki Nił.
Pieramirje, kali jano budzie vykonvacca, dazvolić mirnym žycharam pakinuć horad. Akramia taho, zamiežnyja dziaržavy spadziajucca, što jany zmohuć evakujavać z Sudana svaich hramadzian.
U Chartumie i Sudanie ŭ cełym niama abo amal niama i internetu: pa danych hrupy manitorynhu sietki NetBlocks, u cełym pa krainie ŭzrovień vykarystańnia internetu ciapier składaje 2% ad zvyčajnaha, a ŭ Chartumie internet całkam źnik ź viečara niadzieli.
Bai pamiž sudanskaj rehularnaj armijaj i vajenizavanym farmavańniem «Siły chutkaj padtrymki» ŭspychnuli 15 krasavika, paśla taho, jak kamandzir SCHP, hienierał Machamied Chamdan Dahała razhrupavaŭ svaich bajcoŭ pa krainie, što armija ŭspryniała jak pahrozu.
Jak tłumačać ekśpierty pa Sudanie, u cełym kanflikt zvodzicca da asabistaha supraćstajańnia kamandujučaha armijaj i faktyčna kiraŭnika dziaržavy hienierała Abdel Fatacha al-Burchana i hienierała Machamieda Chamdana Dahała.
Ciapier čytajuć
Łukašenka patłumačyŭ, čamu jaho nie vidać pa sieradach i subotach16
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary