Hienprakuratura źbirajecca zajmacca hienacydam jašče 5—7 hadoŭ
Hienprakuror Andrej Švied raskazaŭ, jak idzie sprava z rasśledavańniem hienacydu biełaruskaha naroda, učynienaha ŭ časy Vialikaj Ajčynnaj vajny.
Jon paviedamiŭ, što ciapier idzie praca nad prajektam zakona, jaki dazvolić pravodzić zavočnyja sudy nad nacystami.
«My dapytali ŭsich žyvych śviedak, heta 17 tysiač čałaviek (viaźni kancłahieraŭ, tyja, chto byŭ vyhnany ŭ rabstva ŭ Hiermaniju i inšyja krainy) i ich dopyty zafiksavali», — adznačyŭ jon u efiry ANT.
Švied dadaŭ, što treba ahledzieć usie miescy masavaha źniščeńnia nasielnictva ŭ časy vajny.
«Ja dumaju, praz 5—7 hadoŭ heta praca budzie skončana», — dadaŭ jon.
Pa słovach hienprakurora, «ustanoŭlena bolš za 580 łahieraŭ śmierci na terytoryi BSSR».
Švied adznačyŭ taksama, što pa vynikach rasśledavańnia budzie mianiacca i školnaja prahrama.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary