U vyniku čarhovaha abstrełu horada Šabiekina ŭ Biełharodskaj vobłaści paciarpieła piać čałaviek, zajaviŭ kiraŭnik rehijona Viačasłaŭ Hładkoŭ. Hubiernatar śćviardžaje, što centr i ŭskrainy horada abstrelvali ŭkrainskija vajskoŭcy z reaktyŭnych sistem załpavaha ahniu «Hrad». Hety ž typ zbroi jon nazyvaŭ napiaredadni, paviedamlajučy pra masiravany abstreł.
Hładkoŭ napisaŭ u telehram-kanale, što novy ŭdar byŭ naniesieny «a 12-j nočy, u 3:40 i ŭ 5:15 USU».
Pra paciarpiełych jon paviedamiŭ nastupnaje: «Mužčyna, supracoŭnik palicyi, z adkrytym pierałomam plečavoj kostki. I dźvie žančyny z askołačnymi ranieńniami vierchnich i nižnich kaniečnaściaŭ. Jość jašče adzin paciarpieły mužčyna, heta achoŭnik mosta».
«Ciapier pastupiła infarmacyja pra mužčynu, jaki znachodzicca biez prytomnaści sa šmatlikimi askiepkavymi ranieńniami», — dadaŭ hubiernatar.
Nočču jon pisaŭ pra dvuch paranienych mužčyn, adnamu ź jakich nibyta adarvała ruku, a druhi atrymaŭ kantuziju.
Hładkoŭ taksama paviedamiŭ ab pramym traplańni ŭ pryvatny žyły dom i ab «šmatlikich paškodžańniach voknaŭ i bałkonaŭ u pryvatnych i šmatkvaternych damach». «Jość damy z prabitymi ad snaradaŭ ścienami», «jość traplańnie ŭ dach adnaho z administracyjnych budynkaŭ, haryć dach», «jašče ŭ adnym administracyjnym budynku askołkami snarada pasiečany fasad i vybityja vokny», apisaŭ škodu hubiernatar.
U toj ža čas jon nazvaŭ «fejkam» paviedamleńni ab punktach zboru dla terminovaj evakuacyi žycharoŭ Šabiekinskaj akruhi. «Na hety momant masava źbirać ludziej u niejkim kankretnym miescy niemahčyma i niebiaśpiečna», — rastłumačyŭ jon.
Napiaredadni kiraŭnik Biełharodskaj vobłaści abviaściŭ pra pačatak evakuacyi dziaciej u Varoniežskuju, Pienzienskuju, Jarasłaŭskuju, Kałužskuju, Lipieckuju i, mahčyma, u Tomskuju vobłaści.
Ukrainskija ŭłady nie kamientujuć zajavy rasijskich uład pra abstreły Šabiekina.
U noč na čaćvier čarhovy pavietrany ŭdar byŭ naniesieny pa Kijevie, haradskija ŭłady paviedamili pra troch zahinułych žycharoŭ, u tym liku pra adno dzicia.
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary