Heta tradycyjny hamburhier z tonkaj miasnoj katletaj i chrumstkaj skarynkaj pa krajach. Lepš za ŭsio hatavać jaho na ciažkaj, zmazanaj alejem ci tłuščam čyhunnaj patelni.
Fota: Getty Images
Kab pryhatavać 4—8 porcyj (u zaležnaści ad taho, kolki katlet vy budziecie kłaści ŭ adnu bułku), vam spatrebicca:
- kavałak masła,
- kala 900 h jałavičnaha faršu — pažadana, kab u im było nie mienš za 20 pracentaŭ tłušču,
- sol i čorny pierac,
- 8 łustačak syru (pa žadańni),
- 4 ci 8 miakkich bułačak dla hamburhieraŭ, źlohku padsmažanych,
- liście sałaty, narezanyja pamidory i prypravy pa žadańni.
Jak hatavać:
- Pakładzicie masła na vialikuju čyhunnuju patelniu ci patelniu ź nieržaviejučaj stali i pastaŭcie na siaredni ahoń. Akuratna padzialicie jałavičny farš na 8 nievialikich častak pa 100 h kožnaja i jašče bolš akuratna zrabicie ź jaho šaryki vyšynioj kala 5 sm.
- Zrabicie mocny ahoń i pakładzicie pałovu šarykaŭ na patelniu na dastatkovaj adlehłaści adzin ad adnaho. Vykarystoŭvajučy ćviorduju mietaličnuju łapatku, naciśnicie na kožny šaryk, kab vyjšła katleta dyjamietram kala 10 sm i taŭščynioj kala 1,2 sm. Prypraŭcie sollu i piercam.
- Smažcie, pakul katleta nie padpiačecca, krychu mienš za 2 chviliny. Potym, vykarystoŭvajučy łapatku, aściarožna pieraviarnicie katlety. Kali dadajacie syr, to pakładzicie jaho łustački na miasa.
- Praciahvajcie smažyć, pakul katleta nie budzie hatovaja, prykładna chvilinu ci trochi daŭžej. Źnimicie katlety z patelni i pakładzicie na bułački (padavać dźvie katlety ŭ adnoj bułačcy — taksama varyjant). Pakładzicie źvierchu śviežyja pamidory i sałatu i nakryjcie druhoj častkaj bułačak.
Čytajcie jašče:
Ci roźniacca burhiery z «Makaŭ» u Biełarusi, Litvie, Polščy i Hruzii? Pamierali ź liniejkaj
«Burhier Kinh» prezientavaŭ hamburhier u styli multfilma «Čałaviek-pavuk: Pavucińnie suśvietaŭ»
Kamientary
niaška
chačiu