U Minsku vynieśli prysud kamandziru roty, jaki vymahaŭ hrošy i majomaść u sałdat. Abvinavačany słužyŭ u vojskach VPS i SPA, jak miarkujecca, u staličnaj vajskovaj čaści 45017.
Niejki čas hety aficer vykonvaŭ abaviazki kamandzira roty. U hety pieryjad jon znajšoŭ u jafrejtara mabilny telefon i abaviazany byŭ pra heta dałažyć, adnak u vyniku prosta zapatrabavaŭ za maŭčańnie elektronnuju cyharetu koštam 45 rubloŭ. Paśla situacyja paŭtaryłasia, ale naŭzamien vajskoviec zapytaŭ užo 38 rubloŭ na kartku.
Kamandziru vystavili abvinavačvańni ŭ atrymańni chabaru i ŭ złoŭžyvańni ŭładaj. Na sudzie vajskoviec svaju vinu nie pryznaŭ, adnak sud pryznačyŭ jamu 3,5 hoda pazbaŭleńnia voli. U toj ža čas jon atrymaŭ adterminoŭku na try hady, bo sudzili jaho ŭpieršyniu, a da taho ž u mužčyny jość maleńkaje dzicia.
Kali za hety termin nie budzie parušeńniaŭ zakona, to ŭ kałoniju vajskoŭca nie adpraviać. Adnak jaho abaviazali vypłacić 12 950 rubloŭ štrafu, a taksama pazbavili zvańnia staršaha lejtenanta i na 5 hadoŭ zabaranili zajmać kiroŭnyja pasady.
Ciapier čytajuć
Ceny na paliva pavyšajucca na 4 kapiejki, a praz tydzień jašče na try1
Kamientary