Pamior amierykanski akcior Nikałas Koster, viadomy pa roli Łajeneła Łokrydža ŭ sieryjale «Santa-Barbara».
Koster pamior u paniadziełak, 26 červienia, u balnicy Fłarydy.
«Hetym viečaram u maim sercy vialiki smutak. Moj baćka, akcior Nikałas Koster, pamior u Fłarydzie ŭ 21:01 u balnicy. Kali łaska, natchniajciesia jaho mastackimi dasiahnieńniami i viedajcie, što jon byŭ sapraŭdnym akcioram. Ja zaŭsiody budu natchniacca im i viedać, jak mnie pašancavała mieć takoha vydatnaha baćku», — napisała dačka akciora Dzinin Koster u fejsbuku.
Kinakarjera Kostera pačałasia ŭ 1950—1960-ja hady. Jon syhraŭ bolš za 130 rolaŭ u filmach i sieryjałach, ale ŭ našaj krainie viadomy pieradusim pa papularnym u 1990-ja sieryjale «Santa-Barbara», dzie syhraŭ kiraŭnika kłana Łokrydžaŭ — Łajeneła Łokrydža.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary