Siońnia pa ŭsim adznačajuć Dzień surka, abo katalickija Hramnicy. Svoj prahnoz na viasnu ŭžo daŭ čatyrochłapy «sinoptyk» z Charkaŭskaj vobłaści, piša RBK-Ukraina.
U hetym hodzie surok (babak) Tymko III «pieradaŭ svaje paŭnamoctvy sinoptyka» rodnamu bratu — Tymku IV.
Mienavita jon «pradkazvaŭ», jakoj budzie viasna (ŭ dystancyjnym farmacie).
«Adnak praź situacyju ź biaśpiekaj i niepahadź śpiecyjalisty nie rekamiendujuć tryvožyć jaho, tym bolš pieramiaščać Tymka ŭ inšyja łakacyi», — patłumačyli bijołahi
«Pierakładčyk z surkovaj movy» Uładzimir Hrubnik paviedamiŭ: «U hetym hodzie surok ubačyŭ svoj cień, heta značyć, što viasna pryjdzie praz 6 tydniaŭ… Prynamsi, jon tak ličyć».
Pieršaja zhadka pra Dzień surka ŭ ZŠA datujecca 1841 hodam. U toj ža čas aficyjnym śviatam hety dzień staŭ u 1886 hodzie, kali ŭ horadzie Panksatoni (Piensilvanija) ludzi čarhovy raz sabralisia, kab pasłuchać prahnoz surka pa imieni Vialiki Fił.
Dziakujučy filmu «Dzień surka» pra tradycyju viedaje ŭvieś śviet.
Fiła zvyčajna vyciahvajuć na śviet božy krychu paźniej a 17‑j pa minskim časie.
Ale klimat i prykmiety ŭ Zachodnim paŭšarji zaŭvažna adroźnivajucca ad Jeŭropy i tym bolš uschodniaj jaje častcy, tamu lepš aryjentavacca na žyvioł u našym rehijonie.
U Hiermanii i Litvie sinoptykami-pradkazalnikami vystupajuć fotahieničnyja barsuki.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary