Śviet33

Mer Ryhi idzie ŭ adstaŭku. Jon zapomniŭsia tym, što vyviešvaŭ nacyjanalny biełaruski ściah u Ryzie

Mer Ryhi Martyńš Stakis idzie ŭ adstaŭku praz zvady ŭ kirujučaj kaalicyi, jakija ŭźnikli ŭ suviazi z rasśledavańniem mahčymych parušeńniaŭ u adnym z departamientaŭ Ryžskaj dumy. Pra heta sam kiraŭnik horada paviedamiŭ ranicaj 3 lipienia, piša Delfi.

Fota: eBay

U svajoj publičnaj zajavie Martyńš Stakis faktyčna pryznaŭ, što jak staršynia Ryžskaj dumy straciŭ padtrymku bolšaści deputataŭ samakiravańnia. Jon faktyčna abvinavaciŭ svaich troch namieśnikaŭ Viłnisa Kirsisa («Novaje adzinstva»), Edvardsa Ratnijeksa («Nacabjadnańnie / Łatvijskaje abjadnańnie rehijonaŭ») i Lindu Ozału («Kod Ryhie», byłyja «Kansiervatyŭnyja») u tym, što jany za jaho śpinaj pačali farmavać inšuju kirujučuju kaalicyju.

«Usio bolš nastojliva hučać zakliki padzialić ekanomiku horada na kantralavanyja partyjami «fieadalnyja ŭładańni» i pakłaści kaniec amal trochhadovamu «ekśpierymientu» spraviadlivaha kiravańnia. Heta adbyvajecca pry padtrymcy darožnych i budaŭničych kartelaŭ i hulniavoha łobi. Niemahčyma praduktyŭna pracavać na karyść ryžan va ŭmovach, kali «na papiery» ŭ samakiravańni isnuje tolki adna kaalicyja, a na spravie rašeńni prymaje zusim inšaja bolšaść. Tamu ja pryniaŭ rašeńnie pakinuć pasadu staršyni Ryžskaj dumy», — havorycca ŭ zajavie Stakisa.

Farmalna staršynia Ryžskaj dumy Martyńš Stakis, jak adznačaje Delfi, pakul zastajecca meram. Pasadu jon stracić paśla taho, jak jaho zajava budzie začytana na pasiadžeńni Ryžskaj dumy. Najbližejšaje pasiadžeńnie Ryžskaj dumy zapłanavana na 12 lipienia. Adnak sam Stakis nie vyklučaje, što ŭ bolš rannija terminy moža być sklikana pazačarhovaje pasiadžeńnie.

Paśla źniaćcia paŭnamoctvaŭ Martyńš Stakis (jon z partyi «Prahresiŭnych» / Par!) zastaniecca šarahovym deputatam Ryžskaj dumy.

Hety mer Ryhi zapomniŭsia biełarusam tym, što ŭ 2021 hodzie padčas čempijanatu śvietu pa chakiei ŭ Ryzie vyviesiŭ na płoščy bieła-čyrvona-bieły ściah zamiest čyrvona-zialonaha. Paśla hetaha ŭ Biełarusi ŭ dačynieńni da Stakisa navat raspačali kryminalnuju spravu, a ź Minska amal poŭnym składam vysłali ambasadu Łatvii.

Nacyjanalny ściah nad ratušaj łatvijskaj stalicy ŭźniali i padčas vizitu Cichanoŭskaj tudy ŭ červieni 2022 hoda.

Kanflikt pamiž dźviuma partyjami, jakija ŭvachodziać u kirujučuju kaalicyju Ryžskaj dumy — «Prahresiŭnymi» i «Novym adzinstvam» — pačaŭsia ŭ siaredzinie červienia. Pryčyna — adchileńnie ad vykanańnia abaviazkaŭ v. a. dyrektara adnaho z departamientaŭ Ryžskaj dumy Janisa Vajvodsa. Zajaŭlałasia, što jon, mahčyma, datyčny da biezhaspadarčych vydatkaŭ u pamiery niekalkich miljonaŭ jeŭra. Vice-mer Ryhi nazvaŭ rašeńnie ab adchileńni Vajvodsa «nieabhruntavanym i škodnickim». Dalej partyi stali spračacca, chto mienavita pavinien rasśledavać spravu.

U čaćvier, 29 červienia, bolšaść Ryžskaj dumy prahałasavała za prapanovu pa chodzie rasśledavańnia ad «Novaha adzinstva». 

Kamientary3

  • Movier
    03.07.2023
    Mieksika - u MieksiCy
    Haaga - u HaaDZy
    Riga - u RiDZy

    G prosta hučnaja viersija K, a DZ hučny C.
  • Z Łatvii
    03.07.2023
    Martyńš Stakis. Vypraŭcie, kali łaska, pamyłku.
  • Kilim
    04.07.2023
    Aj, nu, źjeździŭ spadar na chakiej za narodnyja hrošy, ci ž heta prablema ŭ naš čas ?

Ciapier čytajuć

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie12

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie

Usie naviny →
Usie naviny

Były forvard zbornaj Biełarusi Viačasłaŭ Hleb staŭ baćkam1

Ihar Tur patraciŭ minimum 30 tysiač na premijalnuju kuchniu FOTA43

U Biełarusi biaspłatna razdaduć kurej i pieŭniaŭ3

Za ŭdzieł u pratestach asudzili kandydata jurydyčnych navuk i jaho baćku-biznesmiena1

Žycharka Jelska vyraściła pamidor vahoj 1 kiłahram3

Prezident Finlandyi inkohnita ŭziaŭ udzieł u tryjatłonie i finišavaŭ druhim2

Navukoŭcy znajšli žudasnuju pryčynu, čamu ludzi ŭpieršyniu zaviali chatnich katoŭ10

Źjezd «Biełaj Rusi» praviali ŭ teatry Janki Kupały12

Raman Pratasievič: Ja ŭžo bolš za hod u razvodzie9

bolš čytanych navin
bolš łajkanych navin

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie12

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie

Hałoŭnaje
Usie naviny →

Zaŭvaha:

 

 

 

 

Zakryć Paviedamić