Žyćciu biełaruskich pasažyraŭ z aŭtobusa, što pierakuliŭsia ŭ Polščy, ničoha nie pahražaje — konsuł
Konsuł Biełarusi ŭ Biała-Padlascy Uładzisłaŭ Chało kaža, što niekalkich hramadzian dastavili ŭ lačebnyja ŭstanovy. Ciapier u balnicy horada Biała-Padlaska znachodziacca 4 čałavieki.
«Ciapier my źviazalisia z doktaram, jaki rastłumačyŭ situacyju. Dziakuj bohu, tam ničoha [strašnaha] niama. Tam najmałodšy — 14-hadovy padletak. Ekstrannaj niejkaj dapamohi nie treba. Usio ŭ hetym płanie dosyć prasočvajecca i narmalna vyrašajecca. Hetych čatyroch čałaviek dyjahnastujuć na pradmiet taho, ci mohuć jany praciahnuć dalej šlach», — cytuje słovy Chało BiełTA.
Jon udakładniŭ, što kali b była nieabchodnaść u ekstrannaj dapamozie, to była b mahčymaść zadziejničać i biełaruski bok. Polski Ciarespal znachodzicca niedaloka ad biełaruskaha Bresta. Z abłasnoha centra mahli b dasłać chutkuju dapamohu, i tady paciarpiełych apieratyŭna b dastavili na lačeńnie ŭ Biełaruś, arhanizavaŭšy pierasadku na miažy. Ale takich mier nie spatrebiłasia.
Dypłamatam užo ŭdałosia źviazacca z polskim pieravozčykam. Jon ustupiŭ zapasny aŭtobus. I nieŭzabavie hramadzianie zmohuć dalej jechać pa svaim maršrucie. Aŭtobus skiroŭvaŭsia ź Biełarusi ŭ Modlin — aeraport pad Varšavaj.
Aŭtobus ź biełaruskimi turystami pieraviarnuŭsia ranicaj 5 lipienia niedaloka ad polskaha horada Ciarespal. Jon jechaŭ z Homiela ŭ aeraport Modlin pad Varšavaj.
Kamientary